احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

جديد شبكة امتيازنا

شارك بها
Super User
عدد الزيارات
959 زيارات
شارك بها
د حسام ابوحسن
الاقسام
عدد الزيارات
2653 زيارات
شارك بها
د حسام ابوحسن
الاقسام
عدد الزيارات
2438 زيارات
شارك بها
د حسام ابوحسن
الاقسام
عدد الزيارات
2505 زيارات
شارك بها
عفاف الشاذلي
الاقسام
عدد الزيارات
3294 زيارات
شارك بها
عفاف الشاذلي
الاقسام
عدد الزيارات
4385 زيارات
المزيد من الموضوعات
الشرح

Acute appendicitis

واحدة من أهم الحاجات اللي بتتصدر قايمة الـ DD بتاع أي عيان جايلك بـ acute abdomen

بتبقى أكتر في سن 15 - 35 سنة وبتقل في الأطفال وكبار السن

أشهر Presenting symptom في الحالة دي : ألم بدأ Periumbilical واتنقل للـ Right iliac fossa (وده بيحصل في 50 % من الحالات يعني مش كل الحالات هتبقى تيبيكال)
مصحوب بترجيع أو حاسس أنه عايز يرجع ومالوش نفس للأكل
وغالبا الترجيع هنا بيحصل بعد الألم مش العكس .. لكن لو الترجيع سبق الألم ده يرجح احتمال وجود Intestinal obstruction

طيب بالفحص بقى هلاقي أيه ؟

أول حاجة هتلاقي فيه Rebound tenderness في الـ McBurney boint بسبب الـ Peritoneal irritation والأدق أنك تشوفه مع الـ Percussion مش لما تضغط جامد وتشيل إيدك بسرعة زي ما هو متعارف عليه

بعد كده هتلاقي Tenderness في الـ McBurney boint

ولأننا متفقين أن الـ Appendix ملهاش مكان ثابت .. فبالتالي مش شرط تيجي بألم في الـ McBurney boint عشان لو جاتلك حالة بألم في الـ Flank مثلا فدي ممكن تكون Retrocecal appendix وفي الحالة دي الألم هيزيد لما تعمل Stretch لـ iliopsoas muscle ودي اسمها
#Psoas_sign
هتنيم العيان على جنبه الشمال وتتني رجله اليمين مفرودة للوراء على مستوى الـ Hip joint لو الألم زاد يزود احتمال الزايدة

وبيقولوا (والعهدة ع الراوي :D ) أن الـ Pelvic appendix ممكن ميكونش معاها أي Abdominal manifestations أصلا لكن الـ rectal examination ممكن يعمل ألم في الـ Cul-de-sac (هنا بقى فيه فار بيلعب في دماغي وبيسأل : طب لما العيان مبيشتكيش أصلا من ألم في البطن أيه اللي جابه 3:) ؟ .. المشكلة أني مش قادرة برده أقتنع أنك بالشكل ده ممكن تكتشفها Accidentally أصل خلينا صُرحا مع بعض أيه اللي هيخليك تعمله PR أصلا وهو مشتكاش من حاجة والـ PR محدش بيعمله روتين عندنا ؟ بس أنا بخلص ضميري منكم جايز (سبعتاشر خط تحت جايز) حد يستفيد بيها 3:) )

بعد كده عندك الـ #Obturator_sign ودي عبارة عن pain on passive internal rotation of the flexed right thigh
ودي تفسيرها أنك بتعمل Stretch لـ obturator internus اللي موجودة جنب الـ Inflammed appendix

خد بالك :

وفي الحوامل ابتداءً من الشهر الرابع والخامس مكان الألم بيبدأ يتغير يعني ممكن الألم يبقى موجود في الـ right upper quadrant (RUQ) or right flank
ده غير أن ألم الحمل أصلا ممكن يشبه ألم الزايدة

ولو جه في الأولاد الصغييرين أوي (وزي ما قولنا هو نادر) ممكن يجي بـ inflamed hemiscrotum

Investigations :
هتطلب للحالة CBC
هتلاقي الـ WBCs عالية (10,000-13,000) مع Neutrophilia
وتطلب Urinanalysis عشان تستبعد الـ UTI
و Pelvi-abdominal U/S لتشخيص الزايدة واستبعاد أي Gynecological cause في الـ Female

طيب أنت كـ GP أيه اللي ممكن تعمله مع الحالة ؟

هتديله محلول ملح 0.9 % يضاف عليه :
أمبول visceralgine
أمبول Primperan
أمبول Zantac
وتحوّل الحالة

وممنوع ممنوع ممنوووووع أنك تدي Analgesic لو أنت شاكك أن الحالة زايدة
يعني لا ديكلوفيناك ولا كيتوفان ولا بروفين ولا أخواتهم
المسموح لك تدي Antispasmodic بس
لحد ما تتأكد من التشخيص

المراجع :
كتاب Emtyazology
موقع Medscape
موقع American Family Physician

بالتوفيق يا دكاترة ^_^

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني
التنقل
Previous item 1 / 4 anaphylaxis

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).