احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

جديد شبكة امتيازنا

شارك بها
Super User
عدد الزيارات
1223 زيارات
شارك بها
د حسام ابوحسن
الاقسام
عدد الزيارات
2936 زيارات
شارك بها
د حسام ابوحسن
الاقسام
عدد الزيارات
2687 زيارات
شارك بها
د حسام ابوحسن
الاقسام
عدد الزيارات
2781 زيارات
شارك بها
عفاف الشاذلي
الاقسام
عدد الزيارات
4814 زيارات
شارك بها
عفاف الشاذلي
عدد الزيارات
1951 زيارات
المزيد من الموضوعات
الشرح

Sweat Rash

http://emtyazna.com/images/stories/flexicontent/l_capture.png
أو زي ما المصريين بيسموه "حمو النيل" (هموت وأفهم أيه علاقة النيل بالموضوع :P )

حالة هتشوفها كتير الفترة الجاية

سببها إنسداد في الـ Sweat ducts نتيجة العرق الزايد والجو الحار الرطب زي جو مصر كده (هاتولي بس اللي قال في كتاب الدراسات أن جو مصر معتدل صيفًا وأنا أعلقه من صابع رجله الصغير :P )

بتحصل أكتر في الأطفال والناس اللي بتمارس رياضة كتير خاصة لو بيلبسوا ألياف صناعية وكمان مع الـ Prolonged bed rest زي بعد العمليات وكده

وفيه إعتقاد بأن السبب الرئيسي في حدوثها هو زيادة في الـ normal Staphylococcus epidermidis اللي موجودة بشكل طبيعي في الجلد

#Sites :
بتحصل في أماكن الاحتكاك مع الملابس زي الـ Back, Neck, Shoulders & Chest وكمان في الـ skin folds زي groins & armpits بس ممكن تحصل في أي مكان عادي

وبتبقى على شكل حبوب حمرا وصغيرة .. مصحوبة بهرش

 

#Treatment :
أهم حاجة في العلاج هو علاج السبب
يعني يتجنب العرق بقدر الإمكان : عن طريق الاستحمام بماء بارد ويقعد في مكان مكيف ويلبس هدوم خفيفة وواسعة

بالنسبة للـ Medications :
1- Topical soothing agent
زي
Bringo Lotion
Calamyl Lotion
دهان صباحا ومساءً

لو الهرش زيادة ممكن تديله :
2- Oral Anti-histaminic :

أولا : First generation اللي بتنيّم :D
ودي أشهر آثارها الجانبية :
دوخة وعدم تركيز ونعاس (وعشان كده يفضل متستخدمهاش في الكبار وتستخدمها مع الأطفال عشان تساعدهم على النوم)
جفاف الحلق + إمساك
Tachycardia وبالتالي لا تستخدم في مرضى القلب
إحتباس في البول في الجرعات العالية

أساميها في السوق :
Tavegyl tab or syrup
Allergyl tab or syrup
قرص/ملعقة واحدة مساءً قبل النوم

ثانيا : 2nd generation
لا يسبب النعاس (ولذلك يفضل إستخدامها في الكبار)
أساميها في السوق
Zyrtec
Claritine
Mosedin
Lorano
كل اللي فاتوا دول موجودين كأقراص وشراب
فيه بقى نوعين موجودين أقراص بس ودول بنفضلهم في عيانين الكبد
Fexon 120
Telfast 120
قرص / ملعقة واحدة مساءً قبل النوم

ملحوظة : في الأطفال أقل من سنتين يستخدم :
Fenestil drops
10 نقط صباحا ومساءً
أو
Fenestil syrup
ملعقة كبيرة صباحا ومساءً

3- Anti-septic soap :
زي Top Zad

المصدر :
موقع DermNet NZ
كتاب Emtyazology

جدير بالذكر وأنا بجهز للموضوع وبدوّر ع النت اكتشفت أن الحالة دي ليها أسماء تانية: الجاروسية و الدخنية وحصف الحر O.o لأ وأنا اللي كنت زعلانة من حمو النيل :P

بالتوفيق يا دكاترة ^_^

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).