احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

اول حاجه لما تمسك ورقة ECG .. محتاج تعرف هتمشي ازاي او هتبدأ بايه ؟!

 
 
ونقطة انك تبقى مسستم دماغك دي مهمه جداااا .. والا هتغرق جواه ومش هتعرف تخرج
 
.. وفي النهايه هتحس انك غبي ومش هتعرف تطلع بحاجه :/
 
فـ المفروض اول ما تمسك ورقة الـ ECG .. تبدأ تبص على الحاجات دي وبالترتيب
 
واحده واحده :
 
* Standardization
 
* avr
 
* rythem
 
* rate
 
*axis
 
* p wave
 
* PR interval
 
* QRS complex
 
* ST segment
 
* T wave

هنتكلم عن كل item من دول سريعا .. هنعرف النورمال بس انهارده عشان بعد كده لما
 
نتكلم على الـ abnormality نقدر نطلعها




Standardization
 
كلنا بنستهيفها ومابنبصش عليها اصلا ! .. مع انها اساس الـecg
 
لو كانت متظبطه على حاجه غير اللي انت عارفه كل قراءاتك هتطلع غلط !
 
وانا نفسي حصلت معايا .. فاتعلمت ان اول حاجه اعملها ابص على الـ
 
Standardization
 
 
 
طيب ودي هعرفها ازاي ؟!!
 
1392093 1409873172578544 1613971053 n

العلامات اللي في الصوره دي 

مربعين كبار ... 25m/sec .. 10m/v
 
كل الارقام اللي احنا حافظينها المفروض تطلع لو الجهاز متظبط على الحجات دي ..
 
فخلي بالك اول ما تمسك الـ ecg تبص على الـ Standardization





aVR

هتبص فيها على الـ p wave
 
المفروض انك هتلاقيها -ve .. لو لقيتها +ve يبقى حاجه من اتنين ;
 
- توصيلات الجهاز غلط .. فمحتاج تتأكد من توصيلاتك وتعيد الـ ecg تاني
 
- او ان العيان ده عنده dextrocardia .. فكهربة القلب كلها معكوسه

1455044 1409873802578481 1521145244 n
 
 

 
بعد ما اتأكدت ان رسم القلب اللي معاك ده مظبوط ابدأ بقى علق على بقيت النقط شوف
 
في ابنورماليتي ولا لا

Rythem
 
اشمعنى قولته قبل الـ rate ؟!! .. هتفرق يعني لو عكستهم ؟!
 
اه هتفرق لاني مش هعرف احسب الـ rate غير لما اعرف الاول الـ ecg اللي معايا ده
 
regular or irregular ؟!
 
طب ودي هعرفها ازاي ؟!
 
بسيطه .. هتشوف المسافه بين كل 2R ثابته ولا متغيره
 
وعندك طريقتين .. اما انك تعد المربعات بين كل 2R وتشوف الناتج ثابت ولا لا
 
او
 
تجيب ورقه وتعلم عليها نقطتين مكان الـ 2R وتمشي بيها وتشوف المسافات كلها قد
 
المسافه بين النقطتين ولا لا
 


rate
 
على حسب الـ Rythem طلع regular ولا irregular
 
* if regular
 
الـ rate هيساوي 300 على عدد المربعات الكبيره بين اتنين R

* if irregular
 
الـ rate هيساوي عدد الـ ORS في 30 مربع كبير " 6 ثواني " مضروبه في 10
 
NB ;
 
الـ 30 مربع دول رقم متغير .. الفكره كلها انك عاوز تحط رقمين حاصل ضربهم 300
 
يعني ممكن تحسب الـ QRS في 15 مربع وتضرب في 20

RR


وقفه عشان لخبطة المربعات وياريت تطنشوها عشان ماتتلخبطوش وتحفظوا المعادله
 
زي ماهي كده :D
 
المربع الكبير في 5 مربعات صغيره
 
كل مربع كبير = 0.2 ثانيه
 
معنى كده ان 2 مربع كبير = 0.4 ثانيه
 
و 3 مربع كبير = 3/5 من الثانيه
 
و5 مربع كبير = 5/5 يعني ثانيه كامله
 
الـ 6 ثواني ..هنضرب 5 في 6 يطلع 30 مربع
 
الـ 60 ثانيه .. هنضرب 5 في 60 يطلع 300 مربع
 
عشان كده قلنا فوق ان الـ rate بيكون 300 مقسومه على العدد اللي عندي
 
300جت لاننا بنجيبه في دقيقه




axis

- الـ axis هو اتجاه القلب .. فلو في chamber كبرت ممكن تغيره

لو الـ rt ventricle كبر .. يبقى rt axis deviation

لو الـ lt ventricle كبر .. يبقى lt axis deviation

- طيب هنعرفه ازاي بقى ؟!

ايدك الشمال على الكومبليكس فـ L1

واليمين على الكومبليكس فـ L3

وشوف مين اللي فوف :

-> لو ايدك الشمال اللي فوق .. يبقى Lt axis deviation
 
L
 
 
 
-> لو ايدك اليمين اللي فوق .. يبقى Rt axis deviation
 
R
 
 
 
-> لو ايديك الاتنين فوق .. يبقى دا الـ normal
 
N
 
-> لو الاتنين تحت يبقى .. extreme axis



NB :

If lead 3 equivocal :

يعني مش عارفين نحدد هو +ve ولا –ve هنتعامل مع lead avf و كأنه lead 3
 
 

 

ecg

 

 

p wave
- بتمثلي الـ atrial depolarization " atrial contraction "
- المفروض انها ماتزيدش عن 2.5 في 2.5 مربع صغير
- +ve في كل الـ lead ماعدا الـ aVR بتكون -ve زي ما اتفقنا البوست اللي فات
- uniform .. يعني شكلها ثابت فكل lead " متشابهه في الـ lead الواحد "
- الطبيعي لما نيجي نتكلم عن الـ abnormality .. اما انها مش موجوده ,, او
الاقيها زادت في الارتفاع ,, او العرض ,, او شكلها اتغير
وده اللي هنعرفه المره الجايه
 


PR interval
- بيمثلي فترة انتقال الـ impulse من الـ atrium للـ ventricle
- من 3 لـ 5.5 مربع صغير
- بيبتدي من بداية الـ p wave وينتهي ببداية الـ complex
" يعني بيشمل الـ p wave and PR interval "
- الابنورماليتي اللي هلاقيها فيه .. اما انه بقى اطول من 5 مربعات او اقل من 3

 

 
QRS complex
- بيمثلي الـ ventricluar depolarization " contraction "
- اقل من 3 مربعات صغيره " normal is narrow complex "
- اول -ve wave بتقابلني بتمثل الـ q wave
- اول +ve wave بتقابلني بتمثل الـ r wave
- تاني -ve wave بتمثل الـ s wave

NB ;
الـ q wave ممكن ماتلاقيهاش موجوده عادي
وبتقول عليها pathological لو اكبر من تلت الـ r اللي بعدها

 

 
ST segment
- isoelectric " يعني على الخط ,, لا طالعه ولا نازله "
- من خلالها بقدر احكم هل في ischemia او infarction ولا لا .. ودا من خلال
نقطه اسمها الـ
" j point "
وانا مش بحكم على الـ elevation او depression بتاع الـ st segment
الا من خلال النقطه دي
يعني لو لقيتها فمكانها وبعد كده الـ st elevated .. مش هقول ان في
elevation طالما النقطه مكانها وماطلعتش لفوق

" J point is the junction between the end of qrs and the beginning of st segment "
J

 

 
T wave
- بتمثلي الـ ventricular repolarization " relaxation "
- +ve wave
" ممكن تبقى -ve في v1 ,, v2 "
- لو اكتر من مربعين كبار .. او اكبر من تلتين الـ complex بسميها hyper acute
ودي بتحصل في حالتين اشهرهم الـ hyperkalemia ... يليها الـ recent MI
 


QT interval
- بيمثلي كهربية الـ ventricle كلها
- اهميته .. بعض الناس بيتولدوا عندهم الـ QT طويل ودول بيكونوا معرضين انهم يدخلوا في arrhythmia و sudden death
فممكن تلاقي عيان جايلك بسنكوب والاي سي جي نورمال مافيش فيه غير النقطه دي فتبدأ تخاف عليه وتعمله بروفيلاكسيز
- الطبيعي .. اقل من نص المسافه بين 2r
" roughly less than half the corresponding RR interval "


تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني
التنقل
ECG .. part 2 4 / 4 Next item

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).