احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

كنت مرة ف استقبال الباطنة فى القصر العيني وسمعنا صوت عالى ودخل ناس كتير معاهم عيان شاب عنده 25 سنة
العيان كان قاعد على كرسي متحرك ونصه اللي فوق بيتشنج بعنف

ورجله كانت مخشبة ومفرودة قدامه وحد من قرايبه كان ماسكها عشان متخبطش ف الأرض والعيان كان بيطلع صوت زي مايكون بيجاسب أو مش عارف ياخد نفسه

طبعا أنا وكل الامتياز اللي في الاوضة قمنا بسرعة وكنا حاسين ان العيان بيموت لكن النايب- وكانت دكتورة- فضلت قاعدة هادية وقالتلنا نقيس الــ vital signs بس معرفناش من كتر التشنجات اللي عنده
قالتلنا مش مهم ادوله حقنة كحول ده عيان سايكيك وفعلا العيان فك مع الحقنة بس رجع تاني يتشنج

قالت لاهله ياخدوه استقبال النفسية ف الدمرداش
لما سألنا النايب ازاى عرفت تشخصه
قالتلنا ان العيان نصه اللى فوق كان clonic
واللى تحت كان tonic

ومفيش مرض بيجي بالمنظر ده ابدا

اللى عجبني أكتر من المعلومة قوة الملاحظة - ما شاء الله - والتركيز اللى من غيرهم كنا رحنا ف سكك تانية خالص ودخلنا بالعيان الريسس

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).