احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

الحالة بتاعت النهاردة من ايام التكليف وكان التكليف بتاعي في قرية اسمها العتامنة تبع مركز منفلوط وقعدت فيها سنتين
واتذكر في يوم كنت خلصت شغل العيادة علي الساعة ١٢ الظهر جالي واحد بيقولي انه بنته مغمي عليها في البيت ومقدرناش نجيبها لو سمحت تعالي معانا في العربية شوفهالنا
المهم قلت اساله عن الحالة قبل ماروح علشان لو ينفع اخدلها حاجة معاي اسعفها بيها
فبساله سنها كام قالي ١٨ سنة
بتاخد اي علاج ضغط سكر
قالي لا
قلتله طب حد مزعلها
قال اه في شوية زعل في البيت من كام يوم ومكنتش بتاكل ورحنا كشفنالها عند دكتور عصبية وكتبلها علاج
قلت يبقي تقريبا حالة psychic وبتدلع عليهم شوية روحت واخد معاي في الشنطة بخاخة علشان افوقها بيها واول ما وصلت ابتديت اكشف عليها وهي طبعا مغمي عليها مابتردش لقيت النبض والقلب والنفس كويس وقست الضغط لقيته واطي شويةوقلت اقيس السكر بالمرة منه اطمن انها مش غيبوبة سكر ومنها شكة الابرة تخليها تتوجع وتفوق لقيت السكر كويس بس ما فقتش
روحت قلت مفيش فايدة افوقها بالبخاخة ارش في انفها وانتوا طبعا عارفين هي بخة واحدة والعيان السيكك يفط زي العفريت وممكن يعافر شوية بس مع البخة التانية بيفوق والاهل يبتدوا يطمنوا انه فاق
بس الحالة ده بخة والتانية مفيش استجابة حتي مارمشتش بعينها
المهم قلت ده ماتت ولا ايه بس فيه نفس
مسكت الطرش وببص علي عنيها
لقيت pin point pupil
اول حاجة جت في دماغي ال stroke ومع توتر اهلها حوليها روحت محولها مستشفي الجامعة علي انها اشتباه stroke
وبعد فترة قابلت ابوها بساله عليها قالى انهم ودوها الجامعة وعملولها اشعة مقطعية طلعت سليمة وبعد كام ساعة فاقت وقالتلهم انها اخدت ٥ اقراص من الاقراص المهدئة اللي كان كاتبها دكتور العصبية وعلقولها محاليل وبقت كويسة
طلعت الحالة drug poisoning
وده السبب التاني من اسباب
ال pin point pupil
وده كانت اول حالة drug poisoning اقابلها

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).