موقع تنسيق وزارة الصحة 
مجموعة ادوات طورناها علشان نقدر نتابع نتائج حركة النيابات والتكليف بطريقة بسيطة ادوات هتخلي الدنيا اسهل كتير عليك ان شاء الله

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

كتاب  Emtyazology

 كتاب Emtyazology

- كتاب امتيازولوجي حطيت فيه كل اللي كنت محتاج أعرفه و ملقيتوش في الكتب الكتير الموجودة في السوق ..

حاجات مهمة و أسئلة كتير كنت بتسألها في كل التخصصات مش بلاقيلها اجابة و أحياناً كانت بتبقى أسئلة يقدر التمريض يجاوب عليها من خبرته و أنا لا .. لحد ما سألت و دورت و اتجمع عندي كمية معلومات بفضل الله لا بأس بها و كان نفسي تبقة متاحة لكل زمايلي ..

و جائتني الفكرة بتجميعها في كتاب مطبوع لأطباء الامتياز و التكليف و يوفرلهم وقت و فلوس كتير في مصادر كتير ملهاش لازمة و مفيهاش جديد و كلها شرح نظري ..

مضمون الكتاب

الكتاب بيتكلم في مواضيع كتير مهمة و جوة الموضوع ملاحظات كتير عن الأدوية بأسمائها العلمية و التجارية و الجرعة وشكل الدواء و عدد المرات يومياً و مدة العلاج و قبل الاكل و لا بعده و المرضي اللي مش مناسبهم و البديل المناسب و الفرق بين أشهر الأنواع الموجودة في السوق و الأهم سعر الدواء جوة الموضوع بشرائح أسعار مختلفة حسب الحالة المادية للمريض و تفاصيل تانية كتير

- الكتاب عبارة عن 12 فصل (طوارئ الباطنة - طوارئ الجراحة - عيادة الباطنة - عيادة الجراحة - الجلدية - الأنف و الأذن - العيون - النسا و التوليد - الأطفال - السموم - ملف خاص بالسكر - ملف خاص بالتحاليل و احتياطاتها)

- الشرح بالكتاب خليط بين العربي و الانجليزي شبه الــ ABC in pediatrics كدة

- تم كتابة مصادر المعلومات في نهاية الكتاب و أغلبها محاضرات لأطباء الامتياز تم تلخيصها و عرضها بطريقة بسيطة بالاضافة الى مصادر أخرى تم الرجوع اليها للتأكد من بعض المعلومات مثل MayoClinic و Oxford Handbook of clinical medicine

- حاولت بقدر المستطاع اتأكد من كل معلومة من المصادر العلمية الموثوق فيها قبل ما اكتبها عشان الكلام يكون Evidence-based بقدر الامكان

- لما كان بيدخل على حد بيشتكي من صداع .. دوخة .. وجع في الصدر كنت بتلخبط .. و مش عارف ابدأ منين .. أحوله ولا اجرب فيه ؟ .. ايه الحاجات اللي اقدر استبعدها كممارس عام و اعالجها و ايه الخطوط الحمراء اللي محتاجة أخصائي ؟ .. كل الأسئلة دي اجاباتها موجودة ان شاء الله في الكتاب ..

مثال لبعض الصفحات من الكتاب

 

- ملحوظة هامة : الكتاب موجه للأطباء فقط ولا يجوز استخدام المعلومات الواردة به عن طريق شخص غير مؤهل في وصف أي علاج

متاح الآن بمكتبة الصفوة و المركز العلمي بالكلية بسعر 30 جنيه.

التواصــل

- أرجو التواصل معي في حالة وجود أي تعليق يخص المحتوي العلمي أو الفني في الكتاب و سيتم تعديله في حالة التأكد من وجود أي خطأ مما سيؤدي لتلافيها في الطبعات القادمة ان شاء الله

- بيدج الكتاب للتواصل عن طريق الفيسبوك Emtyazology

- للتواصل معي بشكل شخصي الاتصال برقم 01123523522

اللهم لك الحمد حمداً كثيراً طيباً مباركاً فيه

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني
التنقل

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).