احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

Could not compile stylesheet for simplistic. Using last compiled stylesheet.
0
عايزه أعرف المذكرة مين اللى بيوديها للادارة هل العاملة وكده هى هتعرف فيها ايه
ولا أنا اللى بوديها الادارة (باسلمها لمين هناك)

كمان عندى مشكلة كبيرة أنى مش عارفة كل موظفة مطلوب منها ايه علشان اكتب رفضت اطاعة الاوامر....مش لازم ابقى عارفة ايه الاوامر دى ( ياريت تقولى بالذات عن شغل الكاتبة )
وكمان الختم انا قلقانة منه لانه معاها هى بتمضى على كل الورق باسمى وبتختم من وراى
أنا مغتربة ومش باروح كل الايام ومش هينفع اخد الختم معاى احمى نفسى ازاى وهى ممكن تضرنى فى ايه علما بان الوحدة بتتاعتى مفيهاش مكتب صحة

الإجابة مقبولة

الخميس, نيسان/أبريل 03 2014, 10:01 AM - #رابط ثابت
1
1- المذكرة بتروح مع البوسطة وغالبا العامل بيطلعها ولو حضرتك عاوزة تأكدى عليها ممكن تروحى الشئون القانونية فى الادارة وتبلغى المحقق القانونى وممكن يطلب منك تكتبى المذكرة ادامه وتخطرى بيها الموظفة تانى يوم وبلغيه كل اللى بيحصل منها وتأكدى ان المحقق القانونى هايكون فى صفك.

2- فيه ملف ادارة المنشاة فيه التوصيف الوظيفى لكل العاملين والكل ماضى على استلام التوصيف الوظيفى بتاعه
وده عهدة طبيب اول الوحدة وينوب عنه مشرفة التمريض
بخصوص الكاتبة فيه وقائى ومالى وخزنة وامينة مخزن حضرتك اسألى كل واحدة شغلها ايه ومتخافيش ده حقك.

3- الختم ده عهدة الكاتب ومش ضروري تستلميه لانه مشكلة كبيرة بخصوص انها بتمضى باسمك .. لازم تنبهي
عليها انها متمضيش مكانك بتاتا و ممكن حضرتك تعملى فورمة واطمنى ان الكاتب او الممرضة ماضية قبلك لان ده
هايحميكى ولو حصل حاجة هية اللى مسئولة مش انت.
وممكن تروحى الادارة تسألى المالى والادارى عن كل اللى نفسك تعرفيه مش هايبخل عليكى بحاجة ابدا.

4- هية مش هاتضرك بحاجة لو هية مضت قبلك وانت مضيتى بعدها بس تأكدى من عمل امضاء فورمة وبلغى اللى
هايطلع بالبوسطة مفيش حاجة تخرج الا بعلمك ومفيش حاجة تيجى الوحدة من اشارات وغيره الا لما تعلمى بيها قبل

كاتبة الاشارات ولو حضرتك مغتربة ابقى اتصلى تليفونيا اطمنى على سير الامور او لما ترجعى ماتقلقيش مش
معركة. بس طبعا لما تكوني مباشرة شغلك و محدش له عندك حاجة هيبقى موقفك اقوى و ساعتها تقدري تشوفي كل
واحد ايه هي اختصاصاتة و تحاسيبه على عدم تنفيذها

يعني ياريت يا جماعة ( نصيحة من اخ اكبر ) كل واحد يمشي عدل علشان ميحتاجش يعمل مشاكل و لا يكون في حد
كاسر عينه .. خاصة في موضوع الحضور و الغياب.. متخليش حد يمضيلك علشان متبقاش جميل لازم ترده ... خليك
مسؤل عن نفسك .. و اعرف ان ده شغلك و واجبك .. حتى لو الاجر اللي بتاخده مش راضي عنه او حتى لو كان بعيد
عنك في المكان ... بس في الاول و الآخر هو شغل ... و احنا كبرنا خلاص .. مبقيتش غياب في سكشن و لا امضة
كراسة العملي .. دي بقت مسؤلية من ناحية العمل و ناحية انسانية انك بتخدم الناس


و معلش استحملوني شوية .. احنا ليه بنشتكي من الكتبه و العمال و الممرضين ؟ علشان احنا حاجة من اتنين ..
إما ان احنا مش عارفين شغلنا .. اقصد مش فاهمين ... و محدش يقولي هنا ( انا دكتور و ده مش شغلي ) .. اقولك
لا .. الدكتور لازم يكون هو القائد و لازم يكون كل اللي تحته بينفذو تعليماته يبقى هو لازم يكون ادرى واحد بالشغل
.. لأن مش مقبول ان حد اقل منك يجي يتحكم فيك ... و ده شيء طبيعي في ممارسة الطب حتى لو في امريكا ...
هتلاقي الدكتور مالي مركزه و متقن تماما لكل دقائق الشغل .. حتى انهم في امريكا و بريطانيا بيهتموا جدا بأمور
المعاملة مع المريض و انك تعرفه بنفسك و ادبيات التعامل و اشتراط موافقته و شرح الكشف عليه لما يكون في مكان
حساس .. يعني كل دي اساسيات عندهم وبيمتحنوا فيها .. احنا صحيح عندنا روتين و تعقيدات و شغل مقرف .. بس
الفكرة اللي عايز اوصلها ان الدكتور ده مش صنايعي .. بيشتغل في الجسم اللي قدامه و خلاص .. لا دي مهنة زي
كل المهن لها جانب ذهني و جانب عضلي و جانب علمي
السبب التاني اللي يخلينا نشتكي من الناس الي معانا .. اننا مش عارفين نظبطهم لأننا متسيبين زيهم .. مش بنحضر و
بنمضي مكان بعض و بنزور خطوط سير و كل شغلنا حبر على ورق و بناخد مرتب كامل
كل واحد في قرارة نفسه عارف ان ده غلط ( انا مش شيخ ولا بقول خطبة) بس انت فاهم وانا فاهم .. يعني كلنا بنستسهل
و النفس بطيبعتها بتكره قيود الانضباط .. لكن صدقني انا هكلمك بمنطق عقلي جدا .. عمرك شفت واحد كان بيعمل كده و
طلع مبدع .. او طلع متميز عن الباقيين او كان مستهتر و كاره الالتزام بالشغل اصلا و بعد كده لقيته بقى مدير ناجح و لا
له بصمه في المكان اللي هو فيه
حتى لو كنتي بنت و متزوجه .. فمحدش اجبرك على انك تجمعي بين الشغل و الأسرة و محدش يقدر يجبرك على التقصير
في حق البيت .. بس الشغل اسمه شغل و اللي مش محتاج الشغل في غيره محتاجه و يقدر عليه .. يعني تقدري تاخدي
رعاية اسرة .. و في الحالة دي هتبقي معاكي مليون حق و بتجتهدي في احسن عمل ممكن تعمله ام لأولادها
The reply is currently minimized إظهار
الاستجابات (0)
  • ليس هناك رد لهذه المناقشة حتى الآن
ردك

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).