احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

Could not compile stylesheet for simplistic. Using last compiled stylesheet.
0
ممكن تفاصيل بخصوص الاجازات بعد اذنكم ؟
----
تعليق بخصوص ان مفيش اجازات في اول 6 شهور
الكلام ده قديم وهنعدله ونرفق الملف الخاص بان ممكن اننا ناخد اجازة في التكليف في اول 6 شهور عادي

المهم ممكن تاخدوا اجازة عادي في اول ست شهور
انا كتبت النقطة دي في السؤال علشان تكون واضحه

الإجابة مقبولة

الخميس, نيسان/أبريل 03 2014, 10:02 AM - #رابط ثابت
0
لايوجد اجازات قبل مرور 6 شهور من التكليف سوى عارضة 3 ايام
وبعد 6 شهور له الحق في 15 يوم اعتيادي بالسنة و 7 ايام عارضة بالسنة
يتم اعتماد الاجازات والاذون بشروط :
-1 ان يسمح رصيد ايام العمل بالقيام بالاجازة
-2 ان تسمح ظروف العمل بغيابه ( الايزيد جملة الاجازات والاذون عن ربع القوة)
-3 في حالة الاجازة الاعتيادي لا بد من توقيع موظف اخر له نفس الصفة الوظيفية
ليحل محله ويقوم بعمله في يوم اجازته الاعتيادية
اما بالنسبة للعارضة لا يلزم فيها توقيع موظف اخر
-4 لابد ان تتأكد من تسجيل الاجازات بدفتر الاجازات
** قبل القيام باجازة اعتيادي يفضل عمل اقرار القيام بالاجازة فبلها بيومين
** في حالة المرضي يتم ارسال برقية الى جهة العمل ( اشارة بريدية / تلغراف
) تفيد مرض الطبيب وعدم قدرته الى الذهاب الى العمل
The reply is currently minimized إظهار
الاستجابات (5)
  • الإجابة مقبولة

    الخميس, نيسان/أبريل 03 2014, 10:03 AM - #رابط ثابت
    -1
    أجازة رعاية أسرة
    ==========
    أولا و قبل أي شيء .. عشان متبنيش أمال ورديه .. الوحيد اللى فى ايده يقفلك فى الاجازة دي هو : مدير الوحدة اللى
    كنت مكلف فيها ... فقط!!!!
    يعني كل الورق واقف على موافقه مدير وحدة تكليفك الاصليه حتى لو رحت نيابه بقالك 100 سنه
    ثانيا الاجراءات :
    1- هتروح اى مستشفى عاااااااااام و تدخل لدكتور الباطنه و تخليه يعملك تقرير طبي لأحد والديك إنه مريض بمرض
    كلنا اهلينا عندهم ع الاقل واحد من الامراض دي .. مزمن زي السكر و القلب و الضغط .. و اعتقد انه والحمد
    2- تختم التقرير الطبي و تطلع بيه على مديرية الشؤون الاجتماعيه فى منطقتك .. و تقلهم عايز اعمل ( بحث اجتماعي
    ) و ده طبعا اهيف من الهيافه . ورقة صغيره بتكتبها معاك الباحثه الاجتماعيه و انت فى مكانك بدون ما تروح ولا تيجي
    .. المهم ان كل هدف البحث ده يقول انك الشخص الكبير اللى موجود مع اهلك و بالتالي انت اولى برعايتهم .. ثاني حاجه
    .. انه فى حالتنا احنا .. يثبت ان اهلك ليهم دخل مناسب و مش محتاجين شغلك مثلا .. لأن حسب كلام الاخصائيه اللى
    رحتلها .. قالتلي فى الاطباء بيخافو انك تكون واخد اجازة رعايه الاسره عشان تسافر تشتغل)))
    3- هتروح بالورقتين دول لوحده تكليفك الاصليه و تقدم طلب حصول على اجازة لمده سنه لرعايه الاسره .. هتاخد
    موافقة مدير الوحده على الطلب و كده انت من الاحرار يا علي
    4- مجرد استكمال اجراءات روتينيه : هتروح الادراه و منها تاخد جواب للمديرية ( مديرية تكليفك و ادارة تكليفيك طبعا
    ) .. و المديرية هتوافقلك على الاجازة علطول و تديك جواب تروح بيه مديرية انتدابك بتاعت النيابه .. و تروح هناك
    للمدييرية تاخد جواب للادارة ثم للمستشفى اللى منتدب فيها
    5- ملاحظة / اجراءات الاجازة بتتم باخلاء نيابتك .. و عودتك للتكليف .. و الاجازة بتتم لمده سنه قابله للتجديد سنه
    اخرى .. من مكان تكليفك الاصلي .. يعني انت هتروح تستلم فى التكليف تاني .. و تاخد اجازة .. و لما تقطع اجازتك فى
    اى وقت .. او تخلص السنه و مش عايز تجدد .. هتروح تستلم فى التكليف و بعدين تقدم طلب للمديرية لقطع الاجازة و
    العوده للنيابه .. و ترجع تعمل كل الاجراءات دي تاني بالعكس .. وتستلم نيابتك عادي جدا بدون اى مشاكل
    The reply is currently minimized إظهار
  • الإجابة مقبولة

    الخميس, نيسان/أبريل 03 2014, 10:03 AM - #رابط ثابت
    0
    : صيغة الطلب
    السيد الدكتور / مدير الوحدة الصحية ب........
    برجاء من سيادتكم التكرم بالموافقة على منحي أجازة بدون اجر (رعاية أسرة ) .. لمدة عام
    واحد .. و ذلك لظروف مرض (والدي/والدتي) و حاجتهم الى وجود موافق بشكل دائم .. و
    تأثير ذلك على تأديتي للعمل.
    علما بأني أتبع الوحدة كطبيب مكلف ,, و منتدب للنيابة حاليا فى مديرية الشؤون الصحية
    ب...... كطبيب مقيم ........ فى مستشفى. ....................
    ولسيادتكم جزيل الشكر والتقدير,,,
    مقدمه
    د................. /
    ط. م. ...........ز
    يعتمد/
    مدير الوحدة الصحية ب.
    The reply is currently minimized إظهار
  • الإجابة مقبولة

    الخميس, نيسان/أبريل 03 2014, 10:03 AM - #رابط ثابت
    0
    اجازة مرضى
    =======
    روح أقرب سنترال وابعت للمستشفي التلغراف ده.
    او
    السيد الدكتور / مدير مستشفي ........ العام ( أو اسم المركز الصحي أو اي مكان انت
    شغال فيه )
    احيط علم سيادتكم بأني مريض وملازم للفراش اعتبارا من اليوم ( واكتب التاريخ ) ،
    برجاء تحويلي للتأمين الصحي بمحافظة ( اللي انت ساكن فيها )
    السيد الدكتور مدير مستشفي ....
    احيط علم سيادتكم بأنني مريض وملازم للفراش اعتبارا من اليوم ..... الموافق ..... وذلك للعلم
    ولاتخاذ اللازم.

    وغيب زي مانت عاوز .. وبعد ما ترجع .. تروح شئون العاملين وتاخد جواب اسمه جواب تأمين صحي ..
    تروح بيه التأمين الصحي اللي انت تابع ليه ..
    وبعدين تقول للدكتور هناك لما يسألك انت عندك ايه وغبت ليه .. تقوله مكنتش عيان أو عشان متكدبش تقوله
    انك كنت تعبان نفسيا من الشغل .. وبس ..
    يروح التامين مديلك جواب اسمه جواب استلام عمل تروح بيه وتستلم الشغل تاني ... وبعد كام شهر التأمين
    الصحي هيرد علي المستشفي بتاعتك ويقولهم انه لا يستحق الأجازه المرضي..
    يقوم الشئون القانونيه تديلك 3 أيام جزا مع احتساب الأجازه بدون أجر .. بس لازم يكون معاك بطاقة تأمين
    صحي .. الدفتر الأخضر.
    قالى المرضى اقل من اسبوعين من اداراتك
    اكتر من المديرية
    و لو متقبلتش حتى
    جزا 3 ايام و خصم المرتب (( مرتب الايام ديه((
    The reply is currently minimized إظهار
  • الإجابة مقبولة

    الخميس, نيسان/أبريل 03 2014, 10:03 AM - #رابط ثابت
    0
    ملاحظات مهمة
    *************
    اولا مفيش حاجه اسمها انهاء خدمه فى التكليف واحد يطلع يقولى
    يعنى ايه اقولك يسيدى الطبيعى ان اى موظف ينقطع عن العمل خمس ايام يعنى
    ميرحش الشغل يبعتوله انذار اول وتانى خمس ايام انذار تانى وبعد خمس ايام
    كمان لو مجاش قدم اجازه او عذر يعرض على لجنه لفصله فى التكليف باه
    لااااااااا مينفعش تتفصل يعنى لو غبت 15 يوم من غير عذر كبيرهم هيحولوك
    للشؤن القانونيه وتاخدلك يومين جزا ولا حاجه فاى حد مدير ادارته قارفه
    ممكن يعمل كده
    ثانيا الجزاءات اللى عليك بتقدم طلب محو فى خلال 6
    شهور وبتتشال يعنى كل اللى هتاثر بيه انها خصم من المرتب وخلاص بس خلى
    بالك لو ليك نيابه لازم يكون تقريرك السرى مش اقل من 90 فى الميه عشان
    تحضر على حساب الحكومه والتقرير ده بيتحط فى شهر 12 وممكن تتظلم عليه بعد
    علمك بيه
    ثالثا لو عندك مدير اداره رخم ومغتت عليك تقوم باعت
    تلغراف للوحده اللى انت شغال فيها انك مريض وبعدكده المفروض هيعملولك عرض
    على لجنه طبيه تقوم انت تشتكى من اى حاجه مش هتظهر زى الم فى اسفل الضهر
    انزلاق اى حاجه من الحاجات دى ياما عادى كان عندى اى حاجه وفى حاله عدم
    موافقه الكومسيون على الاجازه هتاخد برضه يويمن جزا وخصم وترجع لاول نقطه
    وممكن تبلغ عدد غير محدود من الاجازات المرضى وتشتغله فى الازرق
    رابعا
    لو ليك تحقيق وعارف طبعا ان بتوع الشؤن بيجاملوا سياده المدير من حقك ترفض
    التحقيق وتحويله للنيابه الاداريه لانك لديم اقوال سريه لن تقولها الا
    امام النيابه وطبعا هما مبيحبوش يروحوا النيابه فبكده تضربلهم التحقيق
    بتاعهم ولو ر حت النيابه مش هتاخد حاجه لانهم بيتعاطفوا مع الدكاتره
    ههههههه
    The reply is currently minimized إظهار
  • الإجابة مقبولة

    الخميس, نيسان/أبريل 03 2014, 10:04 AM - #رابط ثابت
    0
    لا ينوب عن طبيب إلا طبيب مثله
    و لا ينوب عن ممرضه إلا ممرضه مثلها
    ماينفعش
    مدير الإدارة يوكل ممرضه بالنيابة عنه إلا إذا كان هو في قرارة نفسه عارف
    أنه زيه زي الممرضه اللي باعتها و بكده يا حلو يبقى برضه الممرضة ماتشطبش
    على الطبيب لو أنطبقت السما على الأرض
    يعني نفترض مثلا إن مدير الإدارة بعت لكم في يوم عامل من الإدارة يتمم على الأطباء يبقى من حقه أنه يشطب ... يا
    صلاة النبي

    لا
    و اللي يفطس من الضحك كمان إن فيه وحدات بينزل فيها بتوع المجلس المحلي
    بيشطبوا في الدفتر ههههههههههه أهو ده اللي ناقص و بتوع المجلس المحلي دول
    أصلا ممكن يكونوا عمال أو ماعهمش شهادات أو دبلومات و تخيل أنت بقى
    ممنوع
    منعا باتا أي حد يشطب على الطبيب إلا طبيب ...... لو مدير الإدارة بعت
    ممرضه تفتش ممنوع تشطب في الدفتر نهائي على الأطباء . كون مدير الإدارة
    عملها نيابة عنه فده مش معناه إنه أداها بكالوريوس الطب و الجراحة
    لو
    ممرضة شطبت على الطبيب من حق الطبيب رفع شكوى مباشرة للجهات الأعلى بعيد
    عن الإدارة تماما و يشتكي فيها اللي شطب و مدير الإدارة كمان.
    اللي بينوب عن حد لازم يكون في نفس مستواه العلمي
    The reply is currently minimized إظهار
ردك

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).