احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

هنتكلم ان شاء الله عن الـ DM .. بس قبل ما نبدأ لازم تعرف ان دورك مش انك تعالج عيان السكر لان الموضوع اصعب من الكلام بكتير ومحتاج حد سبيشياليتي

فـ دورك بس انك تنصح العيان بالحاجات الاساسيه اللي ممكن مايكونش عارفها .. ولو جالك في Emergency تقدر تسعفه

 

هنتكلم عن ;

* Def

* امتى اشك ان العيان عنده سكر ؟!

* investigation needed ؟!

* how to start ttt ؟!

* oral hypoglycemic drugs

* insulin

* تظبيط الجرعه ؟!

* NB


Return to contents

 Def

It’s a clinical syndrome in which there is an error of CHO metabolism due to .. insulin deficiency, resistance or both
ending in : chronic hyperglycemia ± glucosuria , vasculopathy & neuropathy

 

امتى اقول بقى ان العيان دا عنده سكر ؟!

 


fasting blood glucose ;
normal => 70 - 110
diabetic => more than 126

2h postprandial ;
normal => till 140
diabetic => more than 200

 


الارقام دي تنسى اسمك بس ماتنسهاش :D
او على الاقل تعرف ان في حاجه اسمها impaired glucose tolerance ودي الفتره اللي الارقام فيها بتبقى مابين الطبيعي والديبيتك
هتفرق معايا فحاجه ؟!
اه طبعا لان بتاع المعمل هيكتبلك النورمال بس
حد يجبلك تحليل وانت مش عارف الارقام اصلا فتبص على النورمال وبعدين تلاقي سكره 120 مثلا تقوله ياااه يا حاج دا سكرك عالي وبتاع وتبدأ تعالجه على انه عيان سكر وممكن يدخل منك في هيبوجليسيما

 


Return to contents


طيب بعد ماعرفنا الارقام اللي اشخص عندها امتى هقول العيان دا عنده السكر بقى ؟!
والله على حسب العيان دا جاي بيشتكي ولا لا .. والشكوه بتاعته دي تتضمن الـ polys manifestiation ولا حاجات تانيه خليتك تشك انه ممكن يكون ديابيتك ؟!
=> لو العيان جايلك بيشتكي من polys .. يعني بدخل الحمام كتير وريقي علطول ناشف يادكتور .. وقيستله السكر لقيته اعلى من القيم اللي قولناها فوق دي يبقى تشخصه سكر
=> لو العيان دا انا اكتشفته بالصدفه كنت بعمل تحاليل لاي حاجه ومن ضمنهم السكر لقيته عالي .. او جاي بيشتكي من حاجات تانيه غير الكلاسيك ترايد بتاعنا اللي هما polys .. في الحاله دي بعيد التحليل تاني بعد 3 ايام بشرط مهم جدااا .. انك ماتنبهش على العيان انه يغير مستوى حياته لان دا فحد ذاته جزء من العلاج اللي هنتكلم عليه بعدين
يعني لقيته عالي .. معلشي ياحاج عيد التحليل دا بعد 3 ايام وبس من غير استطراد

 


طيب نفترض حلل تاني وجالك بارقام قريبه جدا للطبيعي وليكن مثلا
FBG = 127 ,,, 2H post prandial = 205
في الحاله دي بتعمل حاجه اسمها HbA1C
دا هيقولك حال السكر في اخر 3 شهور
الطبيعي يكون اقل من 5.5 لو اعلى من 6.6 اشخصه ديبيتيس

 


طيب ايه بقى الحاجات اللي ممكن تخليني اشك ان العيان دا ممكن يكون عنده سكر بس مش من ضمن الاعراض الكلاسيك اللي يخليه هو نفسه يفكر ان عنده السكر !
- Infection
هتلاقي عيان علطول عنده اينفيكشن متكرره مهما اتعالج " واشهرها واحده تقولك علطول عندي افرازات وكشفت نسا ومفيش تحسن , UTI , عيان بيطلعله abscess علطول "
فزي مابتعمل سي بي سي تعمل كمان تحليل سكر
- علطول دايخ يادكتور وعيني مزغلله
- عيانين الـ HTN لان في علاقه وثيقه مابين السكر والضغط بكذا ميكانيزم بس بلاش نتكلم عنهم دلوقتي النقطه المهمه بس في الموضوع دا اللي د/ حسام نبهنا ليها في العيادات

 


هل مهم انك تعرف مين الاول السكر ولا الضغط والفرق مابينهم كام سنه ؟!
ايون مهم لو لقيت عيان عنده السكر وبعدها بفتره طويله 8 او 10 سنين مثلا جاله الضغط اول سبب لازم تحطه في دماغك Diabetic nephropathy وليس atherosclerosis زي مالناس فاكره
فلما تلاقي عيان السكر بدء يجيله ضغط وعنده ll edema و puffiness of eyelid و....
اول حاجه لازم تستبعدها النيفروباثي
طيب لو الفتره مابينهم كانت صغيره وليكن مثلا سنه يبقى لازم تستبعد الاول انهم مش 2nry يعني في مشكله واحده هي اللي دخلته في السكر والضغط وهنا لازم تدور عليها " ودا لو العيان مافيهوش ريسك فاكتور "
او ان العيان دا عنده ريسك فاكتور معينه دخلته في الاتنين

 


- ان العيان يجيلك بـ abdominal pain , vomiting زي ماقولنا قبل كده في dka
فمينفعش عيان السكر تمشيه على انه GE غير لما تستبعدها الاول وخصوصا في الاطفال
" وخلي بالك عشان تقول ان العيان عنده gastroenteritis لااازم يكون في اسهال
بمعنى تاني بردو الاسهال هو العلامه الاساسيه اللي تقولك في GE مش حاجه تاني زي ماد/ احمد نبيل علمنا " طيب هتفرق ازاي اذا كان دور GE عادي ولا DKA ؟!
بانك تسأل على الـ urinary symptom فيه polyuria ولا oliguria ؟!
في الـ GE العيان هيبقى shocked و dehydrated وفي oliguria " يعني هيقولك مش بيجيب بول خالص او كميه قليله "
على عكس الـ DKA بيبقى في polyuria


Return to contents


** خلاص انت شخصت العيان ان عنده السكر ياترى هتعمل فحوصات شامله دلوقتي ولا هتستنى شويه ؟!
على حسب هل هو type 1 Or 2
-> لو هو type 1 ... مش هتبدأ تعمله فحص قاع عين وخلافه الا بعد 5 سنين
ماعداا عند سن puberty بتعمل فحص قاع عين لان احتمالية retinopathy بتزيد في الوقت دا .. فبتعمله بعض النظر هو عنده سكر من كام سنه
-> لو هو type 2 الوضع بيختلف .. فلازم تعمله كل الفحوصات حالااا
فتطمن على الشبكيه والكليه وتشوف ضغطه و ...
لانه ممكن يكون عنده السكر من 10 سنين مثلا ومش حاسس وبدأ يدخل في كومبيليكيشن

** طيب لما عيان يجيلك في المتابعه اللي هي كل شهر او بتقيم حالته بتطمن على ايه ؟!
عينه .. كليته .. رجله
عينه -> يعمل فحص قاع عين لو مكنش عمل " ويتعاد كل سنه "
كليته -> فبتسأل بقى في مشاكل في البول ولا لا بتشوف اخبار الضغط و تأكد عليه يعمل فحوصاته كل سنه
" هيعمل albumin cratinine ratio ,,, microalbuminuria in urine "
رجله -> بتشوف الـ pulse عشان لو بدأ يحصل اسكيما ولو في اي infection
" مهم جدا تشوف مابين صوابعه في انفيكشن ولا لا وتنبه عليه وهو بيقص ضوافره مايجيش عليها اوي يعني يسيبها طويله سنه "
وتسأل في تنميل ولا لا " عشان لو كان بدأ يدخل في نيروباثي "

** قبل ما نبدأ ندخل في الـ ttt محتاج تعرف شوية معلومات عامه كده
- حقنة الانسولين بتتاخد بحقنة الانسولين مش العاديه .. و عمودي مش مايله
- لازم تعرف العيان هيحقن فين !
وماتستهونش بالمعلومه دي وتقول ماهو عارف لان في ناس مابتبقاش عارفه ولا الدكاتره بتبقى معرفاهم .. فاماكن الحقن اللي انتم عارفينها deltoid , thigh " anterior " , below umbilicus
- نقطه كمان لازم تفهمها للعيان ان ظبط اكلك مش معناها بس ماتاكلش حلويات كتير !
لا دا معناه بجانب الحلويات .. النشويات زي الرز والمكرونه وبعض الفاكهه زي التين والعنب والبلح والمشروبات الغازيه و ...


Return to contents

 how to start ؟!

جزء العلاج .. هو معظم المعلومات اللي فيه من محاضرة د/ حسام مع شوية اضافات بسيطه
و الكلام ده كله من باب العلم بالشئ لا اكتر .. انت عمرك ماهتعالج عيان سكر لان الواقع مش بالسهوله اللي الكلام مكتوب بيها !
فبالله عليكم يعني ماحدش يغامر بحياة عيان عشان قرأ معلومتين فبقى عارف !

قبل ماتعالج محتاج تعرف حاجتين ;
* العيان دا type 1 ولا 2 ؟!!
* انت عاوز توصل سكر العيان لحد كام عشان تقول كدا الجرعه بقت مناسبه ؟!!

نجاوب على اول سؤال .. ازاي هعرف العيان دا type 1 ولا 2 ؟!!
=> type 1
دا عادة في الاطفال والسن الصغير " وخلي بالكم من عادة دي ! " .. وعادة بردو مفيش familly history .. و autoimmune يعني هتلاقي antibodies وممكن كمان تلاقي معاه other autoimmune disease
=> type 2
العكس .. هتلاقيه في السن الكبير بعد الاربعينيات كده وهتلاقي حد من عيلته كان عنده سكر وعادة مفيش antibody
خدت بالك من كلمة " عادة " دي ! .. يعني ماتستغربش لو لقيت type 1 في حد كبير او لو لقيت antibody في type 2
بس الاكتر يعني هيجي زي ماقولنا فوق

تاني سؤال بقى انا عاوزه اوصل معاه لفين ؟!!
* restrict control
FBG
دا مع مين ؟! .. مع type 1 ,, operation ,, pregnancy
مشكلته انه هيدخل العيان في hypoglycemia بسهوله
طيب ليه في type 1 عاوزه restrict لان خلي بالك ان العيان دا سنه صغير فانت عاوز تاخر الكومبيليكيشن على اد ماتقدر

* FBG till 120 ... 2H postprandial till 140
دا في العيان العادي بتاعك بقى
" وقراتها فكتب FBG لحد 130 والـ 2H لحد 180 .. بس دا اخرك يعني "

* FBG 140 - 150 ... 2H postprandial 180 - 200
دول في العيانين الـ advanced or very old " 75 - 80 years "
لا في العيانين الكبار ممكن يكون عايش لواحده فلو دخل في هيبوجليسيما ممكن ماتلحقوش اصلا
غير انك بتظبط الجرعه اوي عشان تحاول تطول المده اللي هيعيشها من غير مايدخل في complication
فالعيان دا خلاص شويه وهيودع فانت مش خايف من الكومبليكيشن

بروتوكول العلاج هيبقى ازاي ؟!
type 1 => insulin is a must
type 2 => diet , exercise , oral hypoglycemic ,, finally insulin

** Diet
=> type 1 هو كده كده هياخد انسولين فياكل زي ماهو عاوز بس يتجنب simple suger " يعني الشوكولاته والكانزات وكده " وانت هتظبطله الجرعه على اكله ودا لو كان average built
اما لو كان obese هتحتاج تقلل شويه لان الاوبيزيتي هتدخله في مشاكل كتير
وعجبتني كلمه في كلينيكال اكسفورد بتقول ;
common insulin regimes ; plan the regime to suit lifestyle not vice verse
لان دا مش مرض وهيخف بعد يوم اواتنين .. دا هيلازمه طول حياته .. وغير كده انت بتتعامل مع طفل فصعب تحرمه من كل حاجه وعاوزه يبقى كونترولد !
=> type 2
هيحاول يقلل في النشويات وبعض الفواكه زي التين والعنب والبلح
ولو obese لازم يخس
لان obesity ممكن تدخله في metabolic $ يعني HTN , hyperlipidemia , DM

** exercise
نص ساعه مشي كل يوم / 45 دقيقه يوم ويوم
avoid heavy exercise .. طب ليه ؟!
لانها ممكن تدخله في مشاكل تانيه زي
hypoglycemia
lactic acidosis
vetross hge " لان انتوا عارفين ان بيتكون حاجه اسمها rubeosis iridis يعني blood vessels ضعيفه جدا فلو العيان شال حديد مثلا ممكن الضغط دا يخلي الفيسيل تفرقع ويحصل hge "



هل diet , exercise بس ينفع يظبط عيان type 2 ؟!
لو بنتكلم على عيان مصري يبقى لا :D
لو عيان سويسري على راي د/ موافي ممكن :D



Return to contents

oral hypoglycemic drug  

 


=> metformine " cidophage "
- دوا سحري هتلاقي كل العيانين ماشين عليه ميزته انه مش بيدخل في هيبوجليسيميا لكن بيحسن الـ insulin receptor وبيقلل وزن العيان فهيساعده لو هو obese
فيه منه 3 تركيزات في السوق 500 , 850 , 1000 mg
اخرك فيه 3 gm خوفا من lactic acidosis " يعني 6 اقراص تركيز 500 "
مشاكله lactic acidosis زي ماقولنا وgastric upset and diarrhea عشان كده بقول للعيان ياخده بعد الاكل او فوسطه
- CI امتى ؟!
لو في organ failure سواء .. hepatic , heart or renal " s.cr > 1.5 "

=> sulphonurea
- diamicron
في منه diamicron 80 ودا بيتاخد مرتين في اليوم
وفي diamicron MR ودا بيتاخد مره واحده بس وفي منه 30 , 60
اخرك فيه 320 mg للدياميكرون العادي .. و 120mg للـ diamicron MR

- amaryl ;
مره واحده في اليوم " في منه تركيز 1 , 2 , 3 , 4 "
واخرك فيه 8 mg
من مشاكل المجموعه دي انها ممكن تدخل العيان في هيبوجليسيما

** طيب هدي ازاي بقى ؟!
في اللي يقولك ابدأ بـ سيدوفاج الاول وشوف العيان لو لسه مش كونترولد ادي معاه دياميكرون
في اللي يقولك مش هتفرق سواء بدأت بدياميكرون او سيدوفاج وبعدين ضيفت التاني
في اللي يقولك لو عيان obese ابدا بسيدوفاج ولو رفيع ابدأ بالسلفونيوريا
في الاخر انت بتفصل الدوا على ظروف العيان .. واهم حاجه تعرف ان تأثير الدوا مش هيبان غير بعد اسبوعين لـ 4 اسابيع
عشان كده اوعى تدي الجرعه وتقوله نشوفك بعد 3 ايام او اسبوع !
لان تاثيره هيكون طفيف جدا فانت تحسب ان الجرعه قليله وتزودها وبعد شويه تلاقي العيان دخل منك في هيبوجليسيما !
فعلى الاقل ماتطلبش من عيان تحاليل وتشوفه قبل اسبوعين

** طيب امتى ماينفعش ابدأ بـ الاورال .. وابدأ علطول بالانسولين ؟!
- لو عيان جايلي بـ complication .. زي الريتينوباثي او النيفروباثي او غيره
- under built لان الانسولين ليه anabolic effect فممكن ادي انسولين الاول لحد مالعيان يتظبط وبعديها اشفت للاورال عادي
- liver , renal failure مع ان د/ حسام قال لو كان child a يعني لسه كومبانسيتيد ممكن ادي اورال
- sever hyperglycemia
فيها كلام كتير اوي .. بس اللي اقتنعت بيه في الاخر راي د/ نجلاء اللي قالتلنا فيه اني هدي انسولين لو ;
* fasting > 250
* randam > 300
* HbA1C > 9
في اللي قال ببدأ اديه لو في الـ 500 مثلا وفي اللي قالي لا ببدأ اورال حتى لو كان كده طالما العيان مش كومبليكيتد لسه !
بس زي مابقولكوا انا اقتنعت بكلام د/ نجلاء
وفكرتها ان خلايا البنكرياس دلوقتي فيها toxicity عاليه فمجهده جداا فانا بدي انسولين يظبطلي الاوضاع ويقللي السكر دا وبعديها ممكن اشفت للعيان لاورال عادي لو لقيت قراءاته حلوه وماشي على جرعه صغيره
ومن هنا تعرف ان عادي لو عيان بياخد انسولين وبعد مده شفتله لاورال لان في ناس عندها اعتقاد انها طالما اخدت انسولين مينفعش ترجع لاورال تاني !

 


Return to contents

insulin  

1393524 1397776403788221 1080497560 n


** السكر في جسمنا مابين الوجبات مش صفر !
لكن في Basel level ولما الواحد بياكل بيبدأ يعلى لحد مايوصل للـ peak وبعدين يرجع ينزل تاني للـ basel وهكذا
يبقى انا دلوقتي عاوزه ادي حاجه تحافظلي على الـ basel مايعلاش وفنفس الوقت حاجه للـ peaks اللي بتظهر مع كل وجبه
فعشان كده ظهر كذا طريقه ; " الانواع في الصوره "
=> 3R قبل الوجبات + 2N الصبح وبليل " كل 12 ساعه " عشان يحافظلي على الـ basel
=> قالك طيب مابدل مااشك العيان 5 مرات في اليوم ممكن اخلي مابين الفطار والعشا 12 ساعه وادي N + R قبل الفطار .. R قبل الغدا .. N + R قبل العشا
ومن هنا طلعت فكرة الـ Mixtard " 30 R + 70 N "
كده هستفاد اني مش هشك العيان كتير وان في R فيشتغل بسرعه " يتاخد قبل الاكل بربع ساعه "
=> يعني بقى العيان بياخد Mixtard الصبح وبليل و R قبل الغدا
=> mixtard الصبح وبليل .. هنا العيان بيظبط معاه من غير مايحتاج ياخد R قبل الغدا
=> Lantuse + 3R
ودا احسنهم ولو عيان مش عارف يظبط خالص على الميكستارد بيمشي عليه
Lantuse دا long acting بيتاخد مره واحده بس في اليوم قبل ماينام وpeakless

** طيب دي البروتوكولات اللي عندي همشي ازاي بقى واحسب الجرعه ازاي ؟!
د/ حسام قال جمله حلوه
Start Slaw And Go Slaw
انت مش خايف ابدا من hyperglycemia انت كل خوفك من hypo
عشان كده ابدأ بجرعه صغيره واعلى بيها لحد مالعيان يتظبط
طيب احسب الجرعه ازاي ؟!
0.3 - 0.8 / kg
معظمهم اتفقوا على المعادله دي وطبعا انت كل شغلك مبني على قاعدة trail and error
فهتبدأ تجرب مع العيان وتتابع معاه كل 5 ايام لاسبوع ولو لقيته لسه عالي بتزود 5 واحدات بـ 5 وحدات

** طيب انت عرفت الجرعه هتقسمها ازاي بقى ؟!
- التلت والتلتين مع المكستارد .. يعني بتدي تلتين الجرعه قبل الفطار وتلت قبل العشا
" ودا عادة مع type 2 "

- في حاجه تانيه اسمها الـ Basel bolus .. اللي هو تدي lantus بليل وR قبل كل وجبه ... او N الصبح وبليل وR قبل الوجبات بتحسبها نص ونص
" ودا عادة مع type 1 او لو عاوز تعمل restrict control "
لو اخدنا مثال يعني واحد هياخد 40 وحده
يبقى 20 وحده لانتوس بليل او / " 10 N الصبح وزيهم بليل "
و 20 من الـ R
والـ R هتتقسم بعد كده 5 قبل الفطار .. 5 قبل العشا و 10 قبل الغدا
" يعني نص وربعين .. النص قبل الوجبه الاساسيه للشخص دا ايا كانت "

** خلي بالك ;
=> وانت لسه بادئ تتابع عيان السكر وتظبط جرعته .. المهم عندك الـ fasting اكتر من الـ post prandial
=> لو الصايم مش مظبّط .. اعرف ان المشكله في جرعة الدوا وان مهما العيان ظبط اكله مع الجرعه اللي انت كتبها مش هيظبط وهتحتاج تزود الجرعه
=> لو بعد الغدا والعشا عالي وصايم كويس " وخصوصا لو مش عالي اوي يعني لحد 300 كده " اعرف ان العيان عادة مش مظبط اكله فاصبر عليه شويه وماتزودش الجرعه وخليه يظبط اكله

=> الـ N دا بيشتغل 12 ساعه .. بمعنى N الصبح هيتحكملك فقراية بعد الفطار وبعد الغدا
و N بليل هتتحكملك في قراية بعد العشا وصايم " الصبح "
- الـ R دا بيشتغل من 4 لـ 6 ساعات .. معنى كده انك لو لقيت قراية واحده بس مش مظبطه اعرف انك هتحتاج تزود الـ R اللي قبلها

*لو عيان ماشي على مكستارد انت هتاخد منه 4 قرايات " صايم و3 بعد كل واجبه بساعتين "
=> لو صايم عالي / بعد العشا عالي .. يبقى هتحتاج تزود جرعة بليل " بعد ما تستبعد الـ somogi phenomena اللي هنتكلم عليها المره الجايه "
=> لو بعد الفطار وبعد الغدا عالي .. يبقى هتزود N بتاعت الصبح
=> لو كل قراياته متظبطه بس بعد الغدا " الوجبه الرئيسيه " بس هو اللي عالي .. يبقى عادة هتحتاج تزود R قبل الغدا

* لو عيان ماشي على N and R ,, او Lantus and R هتخليه يسجل قرايته قبل كل وجبه
=> لو صايم عالي .. يبقى المشكله في الـ N بتاعت بليل
=> لو قبل الغدا وقبل العشا مش مظبوط .. يبقى المشكله في N بتاعت الصبح
=> لو قبل الوجبه بس اللي مش مظبوط .. يبقى المشكله في الـ R اللي قبلها " يعني لو قراية قبل العشا بس عاليه يبقى بعد كده هتزود في R الغدا "

ولو هياخد N و R .. ماتنساش تنبه عليه ان بليل هياخد الـ R قبل العشا و الـ N قبل ما ينام
لان لو اخد الاتنين مع بعض ودخل نام ممكن يدخل في هيبوجليسيميا
فيبدر العشا شويه وياخد قبليه R وقبل ما ينام ياخد الـ N
والصبح يقدر يجمعهم مع بعض في سرنجه واحده بس يسحب من الـ R " الرايق " الاول وبعدين الـ N " العكر
ولازم لازم الوجبات الخفيفه اللي مابين الوجبات الاساسيه

 


Return to contents

 

=> طيب خلاص انا بدئت مع العيان لحد ماظبطله الجرعه وكله تمام بعديها بشويه لقيت سكره مش متطبظ هعمل ايه بقى ؟!
لازم الاول استبعد ان مفيش infection واساله على اكله مظبط فيه ولا بيلخبط .. بعد كده بشوف ايه اللي عالي عندي لو :
=> fasting هزود في جرعة بليل .... => لو الاتنين يبقى هزود جرعة الصبح وبليل
" دا باعتبار انه ماشي على ميكستارد ... لو على الـ N و R يبقى زي ما اتفقنا البوست اللي فات "
وهنطلع 5 وحدات بـ 5 " في ناس بيقولوا من 2 - 3 لكن بصراحه كل اللي شوفته بيطلع بـ 5 "
وخلي بالك هنا من نقطه " مع قراية الصايم " .. حاجه خدناها زمان اسمها somogi phenomena .. اللي هي ايه دي بقى ؟!
انك اديت عيان جرعه عاليه بس مش اوي .. فدخلته في هيبوجليسيما بسيطه " مش لدرجة الكوما يعني " فبدأ دا يستفز الـ anti insulin hormone فالعيان يقوم الصبح يقيس سكره يلاقيه عالي !
فهنا المفروض انك تقلل الجرعه مش تزودها !
فعشان كده قبل ماتعلى لازم تقيس السكر عند الساعه 3 او 4 الفجر لو لقيته واطي يبقى هتقلل الجرعه .. عالي تزودها
طيب وبتعرف الظاهره دي كلينيكال ازاي ؟!
بانك بتسال العيان هل بتقوم على الفجر كده حاسس برعشه وقلبك بيدق جامد وعرقان عرق بارد وكان عندك كوابيس ولا لا ؟!
بس في عيانين ممكن ميحسوش بالهيبوجليسيما دي .. عشان كده الاضمن واللي المفروض يتعمل انك تقيس السكر عند الفجر قبل ما تعلي الجرعه

=> طيب عيان جايلك مش جايب تحاليل ولا اي حاجه وعاوز تعرف هو كونترولد ولا لا ؟
بتسأله بتروح الحمام بليل كتير ؟!
لو قالك اه بروح 3 مرات او 4 مثلا وبيصحيني من النوم .. اعرف ان بنسبه كبيره سكره مش متظبط " لانه ممكن يكون بيشرب ميه كتير خلال اليوم فتسأله عن كده بردو "
ومهم في المرحله اللي السكر فيها عالي تنصحه يشرب سوايل كتير عشان مايدخلش فجفاف


=> ومعلومه كده بالمره .. لو عيان اشتكالك انه بيروح الحمام كتير ماينفعش علطول تقول انه عيان سكر !
لكن بتسأله طيب بتجيب كميه كبيره ولا لا ؟!
لا اه يعني في Polyuria يبقى ممكن يكون DM
لو لا .. يبقى ممكن UTI
او ممكن في الستات المينوبوز لان الاستروجين بيبدأ يقل فـ Elacitisty بتاعت bladder بتقل هي كمان

=> لو عيان جايلك بـ impaired glucose tolerance يعني سكره مابين الطبيعي والديابيتك زي ماقلنا قبل كده هتعمل معاه ايه ؟!
بما اننا فمصر والعيان مش هيحافظ اوي فاكله ولا هينتظم على الرياضه فبتديله سيدوفاج كـ prophylaxis
بعد فتره طالت او قصرت العيان دا لاما يرجع طبيعي تاني لاما هيجيله السكر ودا على حسب العيان الي قدامك في فاميلي هيستوري ولا لا .. العيان رفيع ولا اوبيز ......



=> في 3 ادويه رخيصه جدا ومهمه جدااا لعيان السكر - لو معندوش مشكله تمنع اني اديهم - .. الكابوتين ,, الاسبوسيد ,, الستاتين " زي الاتور "
- الكابوتين هيحافظلي على كلية العيان " antiproteinuric effect "
عشان كدا ماتستغربش لو لقيته مكتوب لعيان سكر رغم ان معندوش الضغط !
بيتاخد برجعه صغيره " نص قرص مره في اليوم او مرتين "
ولو عيان جاله الضغط بيبقى دا drug of choice بس طبعا هتديه بجرعه اكبر
- الاسبوسيد عشان يحميه من الـ stroke , infarction , lower limb ischemia ....
- الـ statin عشان يحميه من hyperlipidemia
كان دكتور قالي ببدأ اديهم لو عيان بقاله 7 سنين عنده السكر " بس متهيالي المده دي تنطبق على type 1 بس لان في type 2 انا عمري ما اقدر احدد هو عنده السكر من كام سنه "

=> عيان بيدخل منك علطول في هيبوجليسيما مهما حاولت تظبطله الجرعه لازم تستبعد حاجتين ; hepatoma ,, nephropathy

=> السكر في عيان الكبد .. الكبد وظيفته ايه ؟!
ان لما انت تاكل يخزن السكر الفايض عن حاجتك على شكل جليكوجين ولما سكرك يقل يكسر الجليكوجين لجلوكوز وهكذا .. يعني بينظم معدل السكر في جسمك
عند عيان الكبد الموضوع دا مش متظبط
عشان كده في كذا راي اتقالي .. اني الاحسن امشيه على R قبل الوجبات وخلاص
وفي اللي قالي يمشي على ميكستارد عادي بس يقلل جرعة بليل عشان مايدخلش في هيبوجليسيميا
عشان كده قولنا لو عيان بيشتكي من هيبوجليسيميا متكرره لازم تستبعد هيباتوما
وشفت حاله كده .. السيناريو بتاعها علطول بتدخل في هيبوجليسيما ويادوب نلحقها بحاجه مسكره ونيجي نقيس السكر نلاقيه عالي !
الفكره انها اول مابتجوع مافيش stores فبتدخل في هيبوجليسيما .. اول ماتاكل الكبد مش بيعرف يخزن الفائض من السكر فتلاقي سكرها ضرب في 300 مثلا

وزيها بردو لو العيان كليته بدأت تبوظ .. الانسولين مش هيتكسر فيشتغل لوقت اطول فتلاقي العيان يدخل في هيبوجليسيما

المشكله بقى ان عيانين السكر من كتر مالدكتور بيجرب معاه عشان يظبطله الجرعه بيفهم اللعبه ولما يحس ان سكره عالي يزود الجرعه ولو اقل يبدأ يقللها
فهنا هو فرحان لانه قاعد بيقلل في الجرعه مايعرفش ان في مصيبه جوه

=> macro-vascular complication is irreversible BUT micro is reversible
عشان كده قولنا مهم اوي انك تعمل فحص قاع عين .. مهم انك تدي كابوتين ...

=> اول حاجه بتروح في الاحساس vibration وليس الـ pain , touch !
ودي بردو كانت حاله شوفناها كان جاي مش حاسس برجله خالص والنايبه كانت عاوزه تحوله لعيادة الاعصاب بس الدكتور قالها خلاص مفيش فايده وملهاش لازمه

=> عشان الـ s.creatinine يعلى في عيان السكر لازم حوالي 75 % من كل كليه تبوظ عشان كده مش بتعتمد عليه وانت بتابع كليته .. لكن بتشوف حاجتين
- microalbuminuria in urine
- albumin creatinine ratio

* لو عيان السكر قالك رجلي بتوجعني .. لازم تستفسر بتوجعك ازاي ؟!
هتفرق لو قالك شكشكه وتنميل او فيها كلبشه
شكشكه وتنميل .. ممكن يكون دخل في نيروباثي
كلبشه او رجلي بتقفش عليه ممكن يكون نقص ca او mg
او يكون العيان بدأ يدخل في اسكيميا وحصل claudication pain
فلازم تسأله بردو الكلبشه دي مع المجهود يعني لما تمشي شويه ولا ملهاش علاقه !

* لاااازم تعرف عيان السكر شكل السرنجه اللي بياخد بيها وماتستهونش بالموضوع دا لان في ناس يتدخل في هيبوجليسيميا بسبب انه بياخد بحقنه غلط


Return to contents
تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).