موقع تنسيق وزارة الصحة 
مجموعة ادوات طورناها علشان نقدر نتابع نتائج حركة النيابات والتكليف بطريقة بسيطة ادوات هتخلي الدنيا اسهل كتير عليك ان شاء الله

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

في variety كبيره اوي من انسان لانسان في الـ bowel habit

فممكن واحد يكون بيدخل الحمام مره كل يومين ويبقى طبيعي .. وواحد تاني 3 مرات في اليوم ويبقى طبيعي بردو

=> فتعريف الـ constipation بيختلف من عيان لعيان .. ومعناه حاجه استجدت على الطبيعي بتاعه سواء في الـ duration او الـ consistency

يعني مثلا كان بيعمل 3 مرات في اليوم بقى مره كل يومين ... او 3 مرات عادي بس hard stool

" بس يقال اني بقول على الشخص عنده امساك لو بقى اقل من 3 bowel movements per week and stools are hard and dry "

 

 

=> اول مايجيلي حاله زي دي هـ تعامل معاها ازاي ؟!

* لازم تستبعد الـ painful anal condition الاول .. فتسأله لو في حرقان في البراز او دم

لو اه .. هتحوله جراحه الاول ممكن يكون في fissure مثلا او حاجه

 

* لو لا .. تاني خطوه تسأل على الادويه اللي بياخدها ممكن يكون فيها حاجه بتعمل امساك زي ;

- Iron

- eucarbon

- spasmolytic as buscopan , spasmodigestin ... اي حاجه فيها spasmo

- sedative antihistaminic

- tricyclic antidepressant زي الـ tryptizol

- بعض ادوية الضغط زي الـ verapamil " CCB "

 

* لو الاتنين اللي فوق دول استبعدتهم اعمل الـ TSH عشان تشوف في hypothyrodism ولا لا

طيب لو العيان معندوش اعراض الهيبوثيروديزم هعمله ولا لا ؟!!

هعمله بردو لان مش كل العيانين بيجولك كلاسيك زي مالكتاب بيقول .. فلو حتى شايف ان الشخص طبيعي خالص اعمله TSH

 

* sedentary life

وده اشهر سبب .. ان الانسان مش بيتحرك كتير ولا بيلعب رياضه

اليوم كله اكل ونوم ولو خرج بيبقى بالعربيه وعلطول قاعد

 

لو استبعدت الاسباب دي كلها وطلع العيان free منها .. هتجرب معاه العلاج كده وتشوف بيستجيب ولا لا .. لو مش بيستجيب محتاج تحوله حد git

لكن ماينفعش تدي ملينات وخلاص وانت مش عارف السبب لان ممكن يكون في مصيبه وانت غافل عنها

=> الـ ttt ;

* exercise

يلعب رياضه ويغير نمط حياته

 

* toileting exercise

كل يوم هيقعد 10 دقايق على الـ toilet حتى لو مفيش desire ... بس من غير straining

 

* يزود الـ fibers فاكله والسوايل

 

* لو عنده سكر .. الامساك علامه من علامات انه مش مظبط سكره فلازم تخليه يظبط سكره

 

* لو IBS تنصحه يبعد عن الـ stress والـ fatty meal

 

* الادويه ودي المفروض اخر حاجه تلجأ ليها

عندنا osmotic agents ودي اللي ببدأ بيها في الاول .. وحاجات بتشتغل على الـ plexuses ودي مشكلتها ان العيان بيتعود

عليها بعد كده ومش بيعرف يعمل غير بيها

 

NB مهمه .. ادوية الامساك بتتاخد كلها بليل بس

-> اول مجموعه زي الـ glycerin supp ,, lactulose

بس الـ lactulose له SI رخم انه بيعمل Distention

عشان كده طلعت حاجه افضل منه اسمها golden lax

 

ماجبش نتيجه على دول بندي Picolax .. بنبتدي بـ 15 نقطه على نص كوب ماء بليل

ونشوف استجابة العيان وعلى اساسها بنعلى او نقلل الجرعه

 

-> لو كل دول ماجابوش نتيجه بندي الحاجات اللي بتشتغل على الـ plexuses بقى زي ;

nassar ,, minalax

قرص او اتنين بليل


NB ;

الكلام ده لو الحاله cold .. لكن ماتنساش تستبعد الـ intestinal obstruction لو جيالك في الطوارئ

هتلاقي العيان جايلك بـ


absolute constipation .. العيان ما دخلش الحمام ولا طلع ريح

pain

vomiting

distension

ولو سمعت الـ abdomen هتلاقي فيه increase intestinal sounds

 

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).