موقع تنسيق وزارة الصحة 
مجموعة ادوات طورناها علشان نقدر نتابع نتائج حركة النيابات والتكليف بطريقة بسيطة ادوات هتخلي الدنيا اسهل كتير عليك ان شاء الله

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

Dyslipidemia

 

زيادة الدهون في الدم !
قبل ما نتكلم عن علاج الـ Dyslipidemia
لازم نعرف أولا : هو احنا محتاجين نعالجها ليه ؟
يعني أيه المشكلة لو فضلت عالية ؟


ثانيًا : أيه هو الـ Pathway
بتاع تكوين الدهون في الجسم .. لإني لو عرفت الـ Pathway
هكون عرفت إزاي الأدوية دي بتشتغل وإزاي أقفل الـ Pathway
ده وبالتالي أقلل من تكوينها في الجسم

أنا مش هحكي بالتفصيل .. هقول الموضوع باختصار قدر الإمكان ولو حبيتوا توضيح أكتر اسألوا واحنا في الخدمة ^_^

أولا : ليه زيادة الدهون حاجة مش كويسة ومحتاجين نعالجها ؟
باختصار كده : زيادة الدهون بتسبب Endothelial Injury in arterial walls
ويا سلام بقى لو فيه ضغط عالي والعيان كمان بيدخن يبقى كملت بجد ^_^
لأن التدخين والضغط العالي هما كمان بيعملوا Endothelial dysfunction
وبيزيدوا الطين بلة
ونتيجة الـ Endothelial damage
اللي حاصل
هيتجمعوا الحبايب :D
Chemoattractant molecules
Cytokines
Adhesion molecules
والنتيجة النهائية (باختصار برده ^_^ ) إن هيتكون عندنا Atherometous plaque
واللي بتبقى معرضة إنها تـ rupture
في أي وقت وتعمل جلطات أو تدخل العيان في
Coronary Heart Disease (CAD)

وبالتالي أنت لو قللتها بتحسن الـ Outcome
للعيان بتاعك وبتقلل معدل الوفاة
طيب كده عرفنا بلاويها وليه هي خطيرة

محتاجين نعرف بقى الـ Pathway
بتاعها عشان بعدها نعرف إزاي نقفله

بص يا سيدي ^_^
عندنا اتنين pathway
واحد Exogenous
والتاني أكيد Endogenous ^_^

* Exogenous pathway :


بيبدأ هذا الطريق من الدهون اللي حضرتك بتاكلها واللي هتمتص بخلايا الأمعاء وتكون Chylomicrons
واللي بدورها هتمشي في الدم وتتحول في الـ Fat & muscle cells
عن طريق الـ Lipoprotein lipase
إلى حاجتين :
- Triglycerides
- Chylomicron remnants
الأخيرة دي هتروح ع الكبد وتتحول إلى Free Cholesterol

* Endogenous pathway :


هيبدأ بإن الكبد يكون VLDL
واللي بدورها هتخرج في الدم وتتحول عن طريق الـ :Lipoprotein lipase
إلى حاجتين :
- Triglycerides (TGs)
- IDL (Intermediate Density Lipoprotein)
والأخير ده أدامه سكة من اتنين :
يا إما يتاخد عن طريق الـ LDL Receptors in liver
يا إما يتحول إلى :
- TGs
- LDL

أما بقى النوع الكويس من الدهون اللي هو HDL
فده بيتكون في الـ Peripheral tissues
وده بيساعد في نقل الكوليستيول للكبد وعشان كده هو مفيد

 

نبدأ بقى بالأدوية ونعرف تأثير كل واحد :


1- Statins :


دي بتشتغل على الـ HMG-CoA reducrase
اللي في الكبد وبتعمله Inhibition
طيب لو تفتكر احنا ذكرنا الكبد مرتين فوق في الـ Pathway
مرة في آخر الـ Exogenous
ومرة في أول الـ Endogenous
لو رجعت للـ Pathway
هتقدر تخمن أيه اللي هيحصل لما الطريق ده يتقفل
هنقلل من :
- Cholesterol synthesis
- VLDL
ده بالإضافة لإنه هيزود من تكوين LDL receptors
وفي النهاية هتقلل الـ LDL cholesterol بنسبة 18 - 55 %
وهتزود الـ HDL بنسبة 5 - 15 %
وهتقلل الـ TGs بنسبة 7 - 30 %

وبعيدًا عن إنها بتقلل الدهون فالمجموعة دي ليها تأثيرات تانية كويسة :
- Improve Endothelial plaque
- Inhibit platelet aggregation
- Impair thrombus formation
- Reduce inflammation
فالتأثير النهائي لكل ده إنها بتعمل :
Stabilization of atheromatous plaque
فتحميها من إنها تربشر
وبالتالي بتقلل من الـ CAD events & mortality

طيب هي المجموعة دي فلة كده وملهاش أي أعراض جانبية ولا أيه ؟
بص يا سيدي دي الـ Side effects
بتاعتها :
- Occasionally raise liver enzymes
- Headache
- Constipation
- Flatulence
- Dyspepsia
- Abdominal pain
- Rarely cause skeletal ms damage
واحتمال الأخيرة دي بيزيد لو كنا عاملين
Combination with Niacin or Fibrates
وعشان كده محتاج تتابع وظايف الكبد والـ Creatine Kinase
باستمرار
لو إنزيمات الكبد زادت أكتر من 3 مرات عن الطبيعي
أو لو الـ CK
زاد 10 مرات أو أكتر عن الطبيعي يبقى توقف الدوا

 

2- Niacin :


دي بقى بتشتغل عن طريق إنها بتقلل من
VLDL
وبالتالي هتقلل من الـ LDL Cholesterol  بنسبة 5 - 25 %
وهتزود الـ HDL بنسبة 15 - 35 %
وهتقلل من الـ TGs بنسبة 20 - 50 %

الحاجة المميزة كمان للمجموعة دي إنها هتقلل من الـ Lipoprotein (a)
اللي هو عبارة عن
Special lipoprotein particle that enhance LDL retention in the arterial wall

والمجموعة دي برده ليها side effects محترمة :

- Flushing
وده بيقولوا إن ممكن نتغلب عليه بإن العيان ياخد أسبرين قبل جرعة النياسين بنص ساعة
- Headache
- Itching
- GI upset
وبالتالي متستخدمهاش مع عيان قرحة معدة
- Liver function abnormalities
- Increased glucose & uric acid levels

بيقولوا بقى إن الـ Niaspan

(Extended-release form of niacin)
أقل من حيث الـ Hepatic toxicity & Flushing
بس ده سعره .. أستغفر الله العظيم (قلبي مش مطاوعني أقولها) 357 جنيه #ولا_كإنك_شوفت_حاجة :D

نيجي بقى للمجموعة اللي بعدها


3- Bile acid sequestrants (Resins)


زي الـ Cholestyramine
ودي باختصار هتكسر الـ Enterohepatic circulation
فالنتيجة النهائية إنها هتقلل الـ LDL cholesterol بنسبة 15 - 30 %
وهتزود الـ HDL بنسبة بسيطة 3 - 5 %
بس مش هتأثر على الـ TGs

المجموعة دي في العادة بتستخدم As a combination with Statins

side effects :
- Constipation
- Flatulence
- Nausea
- Heart burn
- Decrease in absorption of other medications e.g warfarin, digitalis

 

4- Fibric acid derivatives :


increase the activity of lipoprotein lipase
فتزود الـ
Catabolism of triglyceride-rich VLDL &IDL
وبالتالي هتقلل الـ Triglycerid levels بنسبة 20 - 50 %
وكمان هتزود الـ HDL بنسبة 10 - 20 %
وتقلل الـ LDL Cholesterol بنسبة 5 - 20 %

Side effects :
- GI upset
- Cholelithiasis
- Worsen renal insufficiency
- Potentiate effects of warfarin
- Myositis & rhabdomyolysis

 

ملحوظة :
يفضل استخدام الـ Niacin or fibrates
في حالة
- Low HDL level
- High TGs level

 

5- Ezetimibe :


A cholesterol absorption inhibitor

- Reduce LDL cholesterol by 18 - 25 %
- Reduce TGs levels by 8 -14 %
- Increase HDL levels by 1 -3 %

Side effects :
- Raise liver enzymes
خصوصًا لو استخدمته مع الـ Statins
- Rarely : Myalgia, rhabdomyolysis, acute pancreatitis & thrombocytopenia

والدوا ده غالبًا بيستخدم لو الـ Statin
مش جايب نتيجة في حالة زيادة LDL cholesterol

 

بالتوفيق ^_^

 

= = = =

المصدر :

Clinical Cardiology made radiculously simple

Drugs for the heart

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).