احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

http://emtyazna.com/images/stories/flexicontent/l_1384152_1403078636591331_2096088064_n.jpg

اتكلمنا عن موضوع الـ DM بالتفصيل .. كان ناقصنا بس نعرف جزء الـ emergency اللي فيه
اللي هو اصلا اساس شغلك
فهنتكلم في البوست دا عن حاجتين مهمين hypo and hyperglycemia

*** عيان جايلك confused .. او comatosed
المفروض من الحاجات المهمه اللي تعملها .. تسأل عنده السكر ولا لا ؟! وتقيس الـ randum bl glucose " حتى لو قالولك مفيش سكر "


*** Hypoglycemia ;
=> عيان الهيبوجليسيميا هيجيلك ازاي ؟!
في البدايه هيحس انه بدأ يعرق ,, عينه تزغلل ,, دقات قلبه سريعه وعنده hunger pain .. ودول بنسميهم الـ alarming sign
"Heart palpitations ,, Anxiety ,, Sweating ,, Hunger ,, Tingling sensation around the mouth "
لو ملحقتوش في المرحله دي ممكن يدخل في confusion and coma
عشان كده لازم تعرف العيان الاعراض دي وتأكد عليه انه اول ما يحس بيها يأكل / يشرب حاجه مسكره

=> نفترض مالحقتش العيان وجايلك وهو comatosed .. هتعمل ايه ؟!
المفروض انك هتعلق للعيان 50 سم جلوكوز تركيز 50 % " ودا عادة مش موجود "
او 100 سم جلوكوز 25 %
وفي دكاتره بيقولوا لحد مالعيان يفوق
ود/ قدري كان قالنا مره بتدي لحد مالسكر يوصل 250
بعد كده بمشيه على جلوكوز 5 % كـ maintinance وبديه ivi على مدار ساعتين
او
اخليه ياكل حاجات مسكره " وياكل احسن ما يشرب "
وماينفعش تمشي العيان بعد ماسكره يعلى لانه ممكن يرجع ينزل تاني و يدخل في هيبوجليسيميا لان الانسولين / الاورال هيبوجليسيمك لسه شغال
فالمفروض تفضل مراقبه لحد الـ half life بتاعة الدوا دا مايعدي
" NB ; " بندي تركيز 25 % .. ماينفعش هنا 5 ولا 10 لاننا عاوزين حاجه تدي effect بسرعه لان الهيبوجليسيما حاجه fatal ممكن تدخل العيان في irreversible brain damage "

=>حته لد/ اسامه محمود .. نفترض انك حد بيتصل بيك وبيقولك الحقني يادكتور والدي عنده السكر وبدأ يدروخ ويفقد الوعي .. هتعمل ايه ؟!
هتخليه يعمل ميه بسكر بس مركزه يعني يزود سكرها ويقعده وبسرنجه " لو مفيش يبقى بمعلقه " ويشربهاله
لو هو هيبوجليسيما ممكن علبال ماتكون روحت يكون فاق

=> نطلع من المعلومه اللي فوق دي ان لو حد عنده السكر وانت مش عارف اذا كان هيبو ولا هيبر .. ادي جلوكوز / سكر لو كانت هيبو يبقى انت انقذت المريض ,, لو هيبر مش هتفرق معاه

=> بعد مالعيان يفوق بقى المفروض انهارده مش هدي الجرعه .. بكره هدي نص الجرعه واخليه يعمل تحليل سكر واقيم الحاله من اول وجديد


*** Hyperglycemia ;
مش هنتكلم عليها كتير لان مش دورك انك تعالجها لا في الوحده ولا البيت .. دي محتاجه مستشفى محترم
عندنا حاجتين الـ DKA ,, Hyperosmolar non ketotic coma

=> لازم تفهم نقطه مهمه ان مشكله الهيبرجليسيما الـ Dehydration وليس ان السكر عالي
فدورك الاساسي انك تعوض العيان دا بـ fluid مش انك تديله انسولين و k وغيره !

=> عيان سكر جايلك فاقد الوعي الطبيعي انك بتقيس السكر لقيته عالي .. هتتعامل ازاي ؟!
المفروض الاول انك تعرف هل هي DKA or HONK
الـ DKA .. ممكن تلاقي الـ Acetotic breath .. هتاخد عينة urine " بقسطره " وتشوف في اسيتون فيه ولا لا " +ve مع الـ DKA "
-> لو DKA هتدي normal saline
-> لو HONK هتدي half normal saline اللي هو تركيز 0.45 عشان الهيبراوزمولاريتي
بس ساعات مش هتعرف تفرق بين الاتنين .. او مش هتلاقي متوفر الا النورمال سلين
ففي دكتور في التخصصي قالنا ان في الجايد لاين الجديده مكتوب انه ممكن تديله نورمال سلاين عادي لو مش لاقي التركيز دا .. وممكن بردو رينجر لكتيت
يعني المهم تعوض العيان عشان الديهيدريشين


=> طيب هتدي الـ fluid ازاي بقى " اللي هو دورك اصلا " ؟!
هتركب للعيان 2 كانيولا وتدي ;
لتر فاول نص ساعه
لتر فساعه
لتر فساعتين
لتر في 4 ساعات
اهم حاجه اول 3 لتر دول وبعد كده بتكمل لحد ماتشوف العيان فاق معاك ولا لا


=> نقطه مهمه في تشخيص الـ DKA .. مش لازم العيان يجيلك في كوما !
ممكن يبقى المانيفيستيشن اللي عنده vomiting , abd pain , dehydration
ودي هتشوفها اكتر في الاطفال وهتمشيها على انها GE !
عشان كده قولنا قبل كده ماتنساااااااااااش تسأل على الـ URINE OUTPUT مع كل حالة GE في الاطفال .. اخبار البول ايه ؟!
-> Oliguria تمشي مع انها GE
-> Polyuria تعرف ان في حاجه غلط وتعمل randam


=> في حاجه اسمها معادلة الـ osmolarity .. دي في المستشفى اللي بيعتمدوا عليها عشان بفرقوا بين الـ DKA ,, HONK
2 (Na + k )
وبعدين تجمع عليهم glucose / 18
مش عارفه اكتب المعادله كلها في سطر واحد بس هو يعني بتجمع الصوديوم والبوتاسيم وتضربهم في 2 وبعدين تجمع عليهم الجلوكوز بعد ماتكون قسمته على 18
الطبيعي انها تكون 275 - 295
لو لقيناها اكتر من 300 يبقى دي hyperosmolar non ketotec coma


=> اخيرا هنعيدها تاني
مش دورك انك تدي لعيان الهيبر انسولين ولا k .... دورك انك تصلح الديهيدريشن لحد ما تنقله المستشفى

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني
التنقل
renal stones 4 / 4 Next item

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).