احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

ولد صغير عشر سنيين جايبه أخوه

راسه بتجيب دم

سألته أيه اللى حصل ؟

قال لى ولد رماه بطوبة

قلت للود رجعت ، دخت أغمى عليك ؟ ( علامات concussion ارتجاج فى المخ )

قال لى : لآه

قلت خلاص غرز ونشتغلها وخاصة إنها طوبة يعنى مش حادثة ولا الواد واقع من الدور العاشر

لكن سبحان الله قلت نعمله أشعة عادية احتياطى معرفش ليه ؟

طلبنا أشعة عادية على الجمجمة

طلع فيها depressed fracture مربع كده على شكل الطوبة

طلبت نايب المخ والأعصاب

طبعا قعد مدة على ما جه

و حصلت مشكلة الريكوستات الأزلية

الدكتور اللى أنته عاملة ريكوست يتأخر أهل الحالة يتخانقوا معاك

مع أنك كنت لسه عمال تجرى معاهم من شويه وتطلب أشعة وتروح لنايب الجراحة

و عملت اللى عليك أيه ذنبى أنا فى تأخير نايب المخ والأعصاب

طبعا أنا ممسكتش نفسى رحت مزعق ليهم قلت لهم أنا أعمل أيه يعنى

أنا عملت اللى عليه محدش يكلمنى فيكوا تانى طبعا بصوت عالى

راحوا ساكتين ناس متجيش ألا بالعين الحمرة

اشمعنى يزعقوا في واسكت لهم

كنت عمال أجرى معاهم فى الحالة

وبعدين يزعقوا فى

وإذ فجأة ظهر نايب المخ والأعصاب قال فين الأشعة وهو بيشوفهم قبل ما يروح للحالة

الواد جاله convulsion النايب قال جرى على أوضة العمليات الصغرى

الجمعة أذنت ساعتها قلت أنفد بجلدى لو الواد حصله حاجة الناس هتيجى تموتنى

ورحت صليت الجمعة

شوفتوا طوبة عملت الفلم ده كله

)))))))))))*****لكن أنا أتعلمت حاجة أنى لازم أعمل أشعة على أى خبطة فى الراس حتى

وإن كانت صغيرة و حتى و أن كان علامات الارتجاج مش موجودة

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).