احدث اعمالنا 
موقع الزمالة المصرية و موقع نتائج وزارة الصحة

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح


هنتكلم عن اول جروب وهي عيلة الـ Penicilline اللي بتشتغل اكتر على G +ve  بس هنطنش الحاجات اللي معدتش بتتكتب
يعني هنجيب من الاخر بدل ما نقعد نلف وندور في حلقه مفرغه على رأي دكتور موافي :D

** Natural penicilline
=> معدش حد بيكتبه خالص ومش هيلزمك فيه غير الـ Benzathine penicillin " البنسيلين طويل المفعول "
كان د/ حسام بيقول لا تكتبها ولا تديها !
طب اشمعنى ؟!!
- اولا ماتكتبهاش لان مش كل طفل يجيله وجع فرجله بعد دور لوز يبقى روماتيك ومحتاج طويل المفعول !
لازم يستوفي الكاريتيريا بتاعت الـ Rh fever الاول عشان تبدأ تمشيه عليها
RF = evidence of recent streptococcal infection ( ASO rising titre or +ve throat culture) + 2 major criteria or 1 major with 2 minor
- ثانيا ماتديهاش لان بيحصل منها allergy .. والفكره ان مش لازم الحساسيه دي تظهر مع اول حقنه !
فحتى لو كان الطفل اخدها قبل كده مليون مره .. لازم بردو مع كل مره يعيد اختبار الحساسيه
=> احسن نوع منها Depopen 1,200,000 IU حقنه كل 3 اسابيع .. ويفضل انه يتحل في ليدوكين لانها مؤلمه جداا

** broad spectrum penicillin
=> ampicillin
ضعيف جدا معدش حد بيكتبه وبالتالي مش هنتكلم عنه

=> amoxacillin
* لا يفضل انك تكتبه بردو لانه ضعيف
* اساميه في السوق ;
- Ibimox
--> sus ; 250 ,, 200 ,, 400
--> cap ; 250 ,, 500
--> vial ; 500 ,, 1gm
- Biomox
--> susp ; 125 ,, 250
--> cap ; 250 ,, 500

=> amoxacillin - clavulinic
* هتبدي تكتب من اول المجموعه دي بقى .. اشهرهم ;
- Augmentin
--> susp ; 457
--> tab ; 1 gm
--> vial ; 600 ,, 1200
- Hibiotic
--> susp ; 230 ,, 460
--> tab ; 1 gm
- curam " ميزته ان طعمه حلو فبيتكتب كتير في الاطفال "
--> susp ; 228 , 457
--> tab ; 1 gm

* اهم SI للمجموعه دي .. Diarrhea " الـ Amoxacilline هو اللي مسئول عنها "
" كان د/ سامح بيتكلم عن الـ antidiarrheal drug مره وبيقول انه مش بيديها ابدا الا مع الـ diarrhea اللي بتحصل مع المجموعه دي "

 

=> ampicillin - sulbactum
* اشهرهم ;
- unasyn / unictam
--> susp ; 250
--> tab ; 375
--> vial ; 750 ,, 1500
* يُقال انها بتعمل hepatitis وبالتالي CI مع عيانين الـ hepatic

" NB ; معظم دكاترة الاطفال في الجامعه بيحبوا يكتبوا في حالات الـ tonsillitis يوناسين / يونيكتام حقن لمدة يومين وبعدين يكمل بـ curam شراب "

** في جروب اسمه Narrow spectrum " Penicillinase resistant "
دا بيشتغل كـ anti staph بس عشان كده مش بيستخدم لواحده .. لكن بيدخل في كومبينشين مع الـ broad spectrum group وبكده يبقى اشتغل كانتي ستاف وفنفس الوقت على الـ G+ve
امثله ليه في السوق الـ flummox " flumox = amoxacillin + fluocloxacilline "
--> susp ; 250
--> cap ; 250 ,, 500
--> vial ; 500 ,, 1000

** ايا كان الدوا اللي هتستخدمه من الادويه اللي فوق دي مكتوب ان لو العيان عنده renal impairment لازم تعمل modification للجرعه بتاعتك

** الجرعات :-
في الكبار ;
- mild ; 1500 - 2000 / day
يعني عادة لو هتستخدم تركيز 500 هيبقى قرص 3 مرات في اليوم " ودا مع بقية الجروبات كمان مش هنا بس "
" لو sever ممكن توصل لـ 3 او 4 جرام في اليوم ومش انت اللي هتكتبه ساعتها "

الاطفال ;
في طريقة بتاعة وزن الطفل وتقعد تضرب او تقسم بقى على حسب التركيز بس دي مش بحبها
بس على العموم ليها تجميعه هنا للي يحب يبص عليها ^^
http://www.alltebfamily.com/vb/showthread.php?t=8023

الطريقه الادق والاسهل بردو هي المعادله
الجرعه المطلوبه = " الجرعه / كجم x وزن الطفل " وتقسم على التركيز
dose / kg x wt ÷ concentration
والجرعه بتاعت المجموعه دي كلها " حقن او شراب " 50 - 100 mg / kg وتسهيلا بيحسبوها من 60 _ 90 على حسب حالة الطفل لو mild يبقى 60 .. moderate تبقى 75 .. sever تبقى 90
وبتتاخد 3 مرات في اليوم يعني كل 8 ساعات
" خليك دايما على الـ Mild  في الحساب .. وعندك استثناء في الحقن لجرعة الامبيسلين سالبكتام هتبقى 100 – 200 ملجم / كجم والادق تحسبها على 150 ملجم / كجم
والاموكساسلين كلافيولينك 30 ملجم / كجم وتتاخد وريد فقط "

يعني ايه الكلام دا ؟!
هناخد مثال .. مثلا طفل وزنه 14 كجم جاي بـ tonsilitis والحاله mild وقررت تديله curam 457 .. هنحسب الجرعه ازاي ؟!
هنعوض في المعادله ;
- الوزن = 14
- الجرعه / كجم = 60 " لان الحاله mild "
- التركيز = 457 / 5 " لان معظم ادوية الشراب تركيزها بيبقى في 5 ml
فــ الـ 5 دي ثابته عندك
وممكن تطلعها في البسط فتضرب × 5 وتقسم على 457 بس "
نحسب بقى ;
14 × 60 = 840 وبعدين تقسم على التركيز 457 / 5
يطلع 9 سم
واحنا قولنا انها بتتاخد كل 8 ساعات .. يعني حوالي 3 سم كل مره
" كل مره هندي مثال للجرعات عشان تتعودوا تحسبوها وفي الاخر خالص كذا صفحه تدريب للجرعات "
NB ;
الـ amoxacilline clavulinic ,,, ampecillin sulbactum
في مدرستين لحساب الجرعه .. ناس تقولك نحسب على كمية الـ amoxacilline , ampecilline بس " بعض الدكاتره ماشيه عليه وقرأته كمان في هاند بوك وانا بشوف موضوع الجرعات دا "
او ناس تقولك على التركيز كله .. راي د/ سامح

** المفروض انك تفهم العيان ان المضاد الحيوي نتيجته مش هتبان غير بعد يومين فمفيش داعي تلف على الدكاتره لو ماتحسنش من اول يوم
والمفروض انت كمان لو ام مثلا جاتلك ومعاها روشته وشايف ان العلاج مظبوط والجرعه كويسه ماتكتبش دوا تاني وتصغر زميلك .. لكن تقولها تكمل العلاج وتصبر كمان يوم ولو ماتحسنش ممكن تشفت بقى لمجموعه تاني

** خلي بالك .. ماينفعش طفل يجيلك بـ tonsilitis - واتأكدت انها bacterial - ومعاها 2ry GE وتديله حاجه فيها amoxacillin !
بمعنى تاني .. ماينفعش طفل يجيلك سخن وزوره بيوجعه وبيكح وعنده اسهال وسألت الام الكحه الاول ولا الاسهال قالتلك الكحه فتقوم كاتبله curam او hibiotic !
اكتبله اي حاجه تانيه تشتغل على الـ G+ve بس غير المجموعه دي لانها اصلا بتعمل diarrhea زي ماقولنا قبل كده


** في حالات الـ 2ry GE المفروض انت بتعالج الـ 1ry cause زي هنا كده مثلا .. الطفل بلع الـ pus فدخل في GE .. فانت بتدي مضاد حيوي يشتغل على المصدر الاساسي للانفكشن اللي هو G+ve
بس في دكاتره بيدوا حاجه تشتغل على الـ g+ve و g-ve على اساس ان ممكن الام تكون مش عارفه ايه اللي بدأ الاول وتديك هيستوري غلط .. بس الاصح يعني انك تدي لمصدر الانفكشن الاساسي فقط

تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).