موقع تنسيق وزارة الصحة 
مجموعة ادوات طورناها علشان نقدر نتابع نتائج حركة النيابات والتكليف بطريقة بسيطة ادوات هتخلي الدنيا اسهل كتير عليك ان شاء الله

اهلا وسهلا بكم في شبكة امتيازنا ,, دليلك خلال سنة الامتياز وحتي نهاية التكليف

الشرح

بنود التظلم  لعام 2012

 

{slider 1- سماح المجموع}


تعريفه بالنسبة لإدارة التكليف هو : ان الطبيب يتظلم لإن فيه رغبة تسبق الرغبة اللي جاتله مع ان مجموعه يجيبها..
يعني مثلا انا جالي الرغبة رقم 100 مع ان الرغبة رقم 80 مجموعي يجيبها...في الحالة دي تظلم سماح المجموع هيجيبلي الرغبة رقم 80 بدون تردد
تظلم سماح المجموع بيكون من خلال الموقع بس ومش محتاج أي ورق يتقدم لاي حتة
وبيبقى من حقنا نقدم سماح مجموع على رغبة واحدة بس...
يعني هيبقى فيه خانة واحدة بس تدخلها في سماح المجموع...يا تيجي يا متجيش   

 

{slider 2- الأعذار الصحية}


الأعذار الصحية اللي هيقبلوا بيها..ومعظم الأمراض التانية مش هتفيد في التظلم..
*
مرض أحد الوالدين بأحد الأمراض المزمنة الآتية:

-
الفشل الكبدي
-
زراعة الكبد
-
الفشل الكلوي مع غسيل الكلي
-
زراعة الكلي
-
فقدان البصر
-
أمراض نفسية مستعصية
-
شلل نصفي أو شلل رباعي
-
الأورام السرطانية


إما يكون معاك شهادة من كومسيون طبي "لجنة ثلاثية" بمرض أحد الوالدين او بمرضك انت شخصيا.....أو هتقدم شهادة صحية عادية وتبقى عامل حسابك انهم هيعرضوا صاحب الحالة الصحية على كومسيون طبي تابع لإدارة التكليف.....ولو ثبت التلاعب...هيتضر بشكل كبير اللي عملك الشهادة الصحية المتفبركة

إذا كان التظلم بسبب حالة صحية لأحد الوالدين بس...ده ممكن يتقبل بس مش شرط 

إنما لو كان مصاحب للحالة المرضية انه يكون أكبر اخواته او يكون اخواته الكبار متجوزين وده يثبته مستند القيد العائلي أو اخواته مسافرين وده يثبته بشهادة التحركات من مجمع التحرير...وفي الحالة دي تظلمه بيتقبل إن شاء الله بدون شك   

تظلم الأعذار الصحية بتحتاج تدخل على الموقع الأول وبعدين تروح لإدارة التكليف في الفلكي " محطة سعد زغلول " ومعاك الشهادات الصحية في حالة مرض أحد الوالدين

 

{slider 3- الأعذار الاجتماعية}

01طلاق أحد الوالدين

02زواج الذكور

03يعول او حالة مرضية للوالدين

04وفاة أحد الوالدين

05طلاق المكلفة

06الوالد فوق سن الستين

07المعافاة من التجنيد

 

معظم الأعذار الصحية بتحتاج إثبات بمستند القيد العائلي وده بيتعمل في السجل المدني وبياخد وقت من أسبوع ل 10 أيام...

والورق اللي بنحتاجه لإستخراج القيد العائلي

  •  صورة بطاقة الشخص نفسه
  • صورة بطاقة او شهادة ميلاد كل شخص في العائلة ( اب - ام - اخ - اخت ) 
  • ما يثبت زواج الأخ او الاخت ( صورة قسيمة الزواج ) إذا كان مش مثبت في بطايقهم 
  • صورة شهادة الوفاة كمبيوتر (إن وجدت) 
  • صورة قسيمة زواج او طلاق الوالدين (كمبيوتر او من السجل)
  • نموذج 40 بنجيبه من هناك

 

تفاصيل شوية عن الأعذار الإجتماعية

 

الطبيبة المتزوجة او المطلقة

بتقدم قسيمة الزواج أو الطلاق....وبيتقبل إن شاء الله

العائل الوحيد

وده معناه انه...بالإضافة لكون الوالد فوق سن ال 60 او مريض وغير قادر على العمل او انه مسافر او متوفي...ان الطبيب (أو الطبيبة) يكون هو الإبن الوحيد او ان يكون هو اكبر اخواته او ان يكون اخواته الأكبر منه متزوجين او مسافرين ...كل ده طبعا يثبت بالقيد العائلي ....والأطباء الذكور اللي معاهم شهادة إعفاء بيقدموها (صورة طبق الأصل) مع القيد العائلي وشهادة التحركات في حالة سفر الأخوات او الوالد والشهادات المرضية في حالة مرض الوالد....والتظلم ده بيتقبل إن شاء الله

الطبيب المتزوج

يقدم قسيمة الزواج ولكن فرصة تظلمه ضعيفة إذا مكانش هو العائل الوحيد للأسرة او كان فيه حالة مرضية لأحد الوالدين...وده بيثبت بالقيد العائلي....وفي الحالة دي بيبتقبل إن شاء الله...أما اللي متزوج بس ومش العائل الوحيد....يقدم برضو تظلمه وممكن برضو يتقبل في ظل سماح الإحتياجات....

طلاق أحد الوالدين

يثبت بالقيد العائلي وبفضل ان يكون هو العائل الوحيد للأسرة...وبيتقبل إن شاء الله

وفاة أحد الوالدين

يثبت بالقيد العائلي ويفضل ان يكون هو العائل الوحيد للأسرة....وبيتقبل إن شاء الله

تظلمات الأعذار الإجتماعية زي الأعذار الصحية بتحتاج تدخل على الموقع الأول وبعدين تروح لإدارة التكليف في الفلكي " محطة سعد زغلول " ومعاك الأوراق اللازمة...

 

{slider 4- التبديـــل}


اتلغي من فترة للاسف

{/sliders}

 

مقتطفات سريعة

 الورق بيتقدم لإدارة التظلمات في إدارة التكليف وعنوانها في القاهرة عمارة 22 شارع الفلكى الدور التاني - بجانب وزارة الصحة....ومن المترو محطة سعد زغلول ومشي كمان اقل من 10 دقايق....احتمال برضو الموقع يقول على أماكن تانية لتقديم الورق في المحافظات... 

 

  ممكن تستلم عادي في الإدارة اللي جت لك - لو مفيش موانع قهرية - يعني لو المكان مش شديد البعد عنك..ومتقلقش وقت ما نتيجة التظلمات تظهر هتقدر تخلي من الإدارة بتاعتك وتروح الإدارة الجديدة ومحدش يقدر يمنعك من ده لإنه حقك...وزي ما الوزارة جابتك المكان الأولاني هتنقلك للمكان التاني...وخصوصا ان تأخير الإستلام ممكن يعرض فرصتك في التقديم للنيابات الملحة في نوفمبر  او للنيابات الكاملة في مايو لبعض الخطر...

 

 ممكن بشكل ودي وبالتفاوض مع المديرية وحسب الإحتياجات انك تنقل تكليفك داخل المديرية من إدارة لإدارة...لكن لو مرضيوش برضو ده حقهم ومش حقك.....أما لو المديرية طلبت منك تروح إدارة تانية غير الإدارة اللي جايالك في النتيجة فانت من حقك ترفض ومش حقهم يجبروك. 


تعليقات الزوار
سيب اي كومينت الله يكرمك ,, حلو او وحش مش مشكلة ,, المهم حسسنا ان في بني ادمين بتعدي من هنا :D
اعجبني

HTML 5 شبكة امتيازنا ,, فكرة الموقع ببساطة هي اننا ننور الفترة الضلمة في حياة كل واحد فينا اللي هي فترة الامتياز ,, فجأة بتلاقي نفسك خلصت الكلية وماعدتش عارف تعمل ايه ؟ تنزل فين ؟ ايه الاجراءات وشغل الحكومة دي ؟ تذاكر منين ؟ تنزل من بيتك ولا تأنتخ ؟ وهتفرق ؟ بعد الامتياز في ايه ؟ من الاخر هنا هتلاقي كل حاجه هتحتاجها من اول ما تظهر نتيجة سنة ساته فتابعنا :).